Нотаи ВКХ ҶТ дар робита ба марги духтари 22- сола дар пойгоҳи 201

© Sputnik / Алексей Филиппов / Гузариш ба медиабонкВазири корҳои хориҷии Тоҷикистон Сироҷиддин Аслов. Акс аз бойгонӣ
Вазири корҳои хориҷии Тоҷикистон Сироҷиддин Аслов. Акс аз бойгонӣ - Sputnik Тоҷикистон
Обуна шудан
ВКХ-и ҶТ дар робита ба қатли шаҳрванди 22-солаи кишвар Шоира Ҷобирова дар ҳудуди пойгоҳи 201-ум ба Сафорати Русия дар Тоҷикистон нота ирсол кардааст.

ДУШАНБЕ, 11 ноя — Sputnik. Вазири корҳои хориҷии Тоҷикистон Сироҷидин Аслов дар мулоқот бо Игор Лякин-Фролов, сафири Русия дар Тоҷикистон аз қатли Шоира Ҷобирова дар ҳудуди пойгоҳи низомии Русия дар шаҳри Душанбе изҳори нигаронӣ карда, ба ӯ нота супоридааст.

"Ҳодисаи рухдода ба руҳияи дӯстии анъанавӣ ва шарикии стратегӣ байни ду кишвари мо ҷавобгӯ намебошад",- илова кардааст оқои Аслов.

Сафири Русия дар Тоҷикистон Игор Лякин-Фролов зимни таҷлили 72-солагии таъсиси базаи ҳарбии 201 Русиясийской военной базы - Sputnik Тоҷикистон
Сафири Русия Пойгоҳи 201-ро кафили воқеии суботи Тоҷикистон номид

Дар нотаи мазкур омадааст, ки ҷониби Тоҷикистон аз Русия талаб менамояд, то ба ҳодисаи рухдода баҳои воқеъбинона дода, ҷиҳати роҳ надодан барои такрор шудани чунин рафторҳо аз тарафи хизматчиёни ҳарбии пойгоҳи низомии Русия дар Тоҷикистон чораҳои лозима андешида шаванд.

Дар ҳамин ҳол, як масъули тафтишотии пойгоҳи 201-уми Русия ба расонаҳо гуфтааст, ки ин парванда аз тарафи муфаттишони пойгоҳи мазкур таҳқиқ мешавад ва баъди анҷоми тафтишот аз ҷузъиёти он ба матбуот хабар дода намешавад.

Қаблан мақомоти ҳифзи ҳуқуқи Тоҷикистон аз боздошти Иван Шербаков, лейтенанти калони пойгоҳи 201-и Русия хабар доданд, ки дар қатли Шоира Ҷобирова муттаҳам мешавад. Ҳодисаи куштор 5 ноябр дар хобгоҳи афсарони пойгоҳи 201 рух додааст, баъдан ҷасади Шоира аз партовгоҳи назди қисми низомӣ пайдо гардидааст.

Шербаков 9 ноябр дастгир гардида, дар бозпурсӣ изҳор доштааст, ки дар ҳолати мастӣ қарор доштааст ва ҳодисаи он шабро ёд надорад.

Аз рӯи ин қазия айни ҳол парвандаи ҷиноӣ оғоз гардида, тафтишот идома дорад.

Лентаи хабарҳо
0