Муаррифии ду вакили тозаинтихоб дар Маҷлиси намояндагони Тоҷикистон

© SputnikПарлумони Тоҷикистон. Акс аз бойгонӣ
Парлумони Тоҷикистон. Акс аз бойгонӣ - Sputnik Тоҷикистон
Обуна шудан
Маҳмадалӣ Ватанзода чанде пеш ёрдамчии Президенти Тоҷикистон оид ба масъалаҳои ҳуқуқӣ, намояндаи Президент дар Маҷлиси Олӣ ва Комилҷон Саидзода, раиси ноҳияи Ҷаббор Расулов таъин гардиданд.

ДУШАНБЕ, 15 апр — Sputnik. Дар ҷаласаи имрӯзаи Маҷлиси намояндагони кишвар муаррифии ду вакили тозаинтихоботи палатаи поёнии парлумон сурат пазируфт.

Дар парлумони Тоҷикистон. Акс аз бойгонӣ - Sputnik Тоҷикистон
Вакили парлумони Тоҷикистон ордени “Содружество” гирифт

Ҳамин тавр, декани факултаи ҳуқуқшиносии Донишгоҳи миллии Тоҷикистон, номзад аз Ҳизби ҳокими халқӣ-демократии Тоҷикистон, Эмомалӣ Насриддинов, ки дар ҳавзаи якмандатии интихоботии Фирдавсӣ №1 бо 83,4 фоизи овозҳо пирӯз шуда буд, ба ҷои Маҳмадалӣ Ватанзода, раиси Кумитаи қонунгузорӣ ва ҳуқуқи инсони МН интихоб гардид.

Зимнан, номзади худпешбар, Баҳодур Акрамзода, ки дар ҳавзаи интихоботии Ҷаббор Расулов №16 бо 58,5 фоизи овозҳо пирӯз гардид, ба узвияти Кумитаи иқтисоду молияи Маҷлиси намояндагон пазируфта шуд.

Тибқи иттилоъ, вакилони нав акнун дар Маҷлиси намояндагон курсиҳои холимондаи собиқ вакилони Маҷлиси намояндагон- Маҳмадалӣ Ватанзода ва Комилҷон Салимзодаро соҳибӣ хоҳанд кард.

Маврид ба ёдоварист, Комилҷон Саидзода чанде пеш раиси ноҳияи Ҷаббор Расулови вилояти Суғд ва Маҳмадалӣ Ватанзода ёрдамчии президенти Тоҷикистон оид ба масъалаҳои ҳуқуқӣ таъин гардиданд.

 

Лентаи хабарҳо
0