Варақаҳои овоздиҳӣ бо чор забон нашр мешаванд

© Sputnik / Амир ИсаевҚутии овоздиҳӣ. Акс аз бойгонӣ
Қутии овоздиҳӣ. Акс аз бойгонӣ - Sputnik Тоҷикистон
Обуна шудан
Варақаҳои асосии овоздиҳӣ 4,3 миллион нусхаро ташкил медиҳанд. Дар баробари забони тоҷикӣ онҳо ҳамчунин ба забонҳои русӣ, узбекӣ ва қирғизӣ нашр мешаванд.

ДУШАНБЕ, 4 май — Sputnik. Блютенҳои овоздиҳӣ дар раъйпурсӣ оиди ворид намудани тағйиру иловаҳо ба Сарқонуни Тоҷикистон бо чор забон нашр хоҳанд шуд, иттилоъ доданд дар Комиссияи марказии интихобот ва раъйпурсии ҷумҳурӣ.

Шумораи умумии варақаҳои  овоздиҳӣ 4,3 миллион нусхаро ташкил медиҳад.

Бинои парлумони Ҷумҳурии Тоҷиикстон дар Душанбе. Акс аз бойгонӣ - Sputnik Тоҷикистон
Вакилон бо интихобкунандагони худ вомехӯранд: аз 25 апрел то 5 май

Варақаҳои асосии интихоботӣ ба забони тоҷикӣ нашр мешаванд. Ба минтақаҳои аҳолинишини русзабон, узбакзабон ва қирғиззабон варақаҳо ба забонҳои мазкур фиристода хоҳанд шуд.

Дар варақаҳои овоздиҳӣ танҳо ду сатр бо ҷавобҳои "ҳа" ва "не" ҷой дода мешавад. Интизор меравад, ки ҳамагӣ ба Сарқонуни Тоҷикистон 41 тағйиру иловаҳо дохил карда шавад. Суди конститутсионӣ 4 феврали соли равон тағйиру иловаҳоро ба сарқонун бо назардошти сатҳи рушди ҷомеаи имрӯзаи кишвар "мувофиқ" донист.

22 майи соли 2016 дар Тоҷикистон раъйпурсии умумихалқӣ оиди ворид намудани тағйиру иловаҳо ба Сарқонуни кишвар доир мегардад. Тағйиру иловаҳо ҳамчунин ба ташкили ҳизб дар ҷумҳурӣ дахолат мекунанд. Фаъолияти ҳизбҳои дигар мамлакатҳо ва ҳизбҳое, ки дар асоси эътиқоди динӣ фаъолият мекунад манъ карда мешавад.

Лентаи хабарҳо
0