Мулоқоти як соатаи Путин ва Обама дар Чин

© Sputnik / Алексей Дружинин / Гузариш ба медиабонк5 сентября 2016. Президенти ФР Владимир Путин ва президенти ИМА Барак Обама дар вақти вохӯрӣ дар Ханчжау
5 сентября 2016. Президенти ФР Владимир Путин ва президенти ИМА Барак Обама дар вақти вохӯрӣ дар Ханчжау - Sputnik Тоҷикистон
Обуна шудан
Муддати вохӯрии сарони ду давлат дар Чин аз вақти ба нақшаи гирифташуда ҳам,зиёдтарро давом ёфт. Дар аввал дар толор вазири ВКХ ФР Сергей Лавров ва котиби давлатии ИМА Ҷон Керрӣ ҳузур доштанд, пасон президентон суҳбаташондро дар алоҳидагӣ давом доданд.

ДУШАНБЕ, 5 сен — Sputnik. Дар давоми саммити "бистгонаи калон"  дар шаҳри Ханчжоуи Чин президенти Русия Владимир Путин  ва ИМА Борак Обама вохӯрӣ доир намуданд.

Путин ва Обама ҳамдигарро пешвоз гирифтанд ва пасон ба гуфтушунид оғоз карданд. Сӯҳбати онҳо зиёда аз як соат давом кард.

Дар вохӯрӣ аз ҷониби Русия ҳамчунин вазири ВКХ ФР Сергей Лавров ва ёрдамчии президент Юрий Ушаков ва аз ҷониби ИМА- котиби давлатии ИМА Ҷон Керрӣ иштирок доштанд. Баъдтар президентон дар танҳогӣ сӯҳбати худро давом доданд.

Президентони русия ва Туркия. Акс аз бойгонӣ - Sputnik Тоҷикистон
Президенти Русия ва Туркия дар Чин сӯҳбат мекунанд

"Вохӯрӣ аз вақти ба нақша гирифташуда ҳам, бештар давом кард. Асосан масъалаи Сурия ва пасон Украинаро муҳокима намуданд. Пасон,  Путин ва Обама чашм ба чашм сӯҳбат намуданд",- гуфт котиби матбуоти президенти ФР Дмитрий Песков.

Вақте ки дар бораи чӣ гуна гузаштани ин сӯҳбати сарони ду давлат пурсон шуданд,  Песков кӯтоҳакак гуфт: "Хуб, корҳо давом хоҳанд ёфт".

Пештар Песков ба рӯзноманигорон нақл карда буд, ки рӯзи якшанбе Путин ва Обама ячанд маротиба сӯҳбати кӯтоҳ доир намуда, ба хулоса омаданд, ки вохӯрии алоҳида доир менамоянд. Манбаи ҳайъати кории  русӣ гуфтааст, ки маҳз Обама хоҳиш намудааст, ки дар алоҳидагӣ президентон сӯҳбат намоянд.

 

 

Лентаи хабарҳо
0