23:12 18 августи 2019
Пахши мустақим
  • USD9.44
  • EUR10.46
  • RUB0.14
Эмомалӣ Раҳмон президенти ҶТ. Акс аз бойгонӣ

Умеди Эмомалӣ Раҳмон аз рушди ҳамкориҳо бо Олмон

© Flickr/ официальная страница пресс-службы президента РТ
Сиёсат
Гирифтани линки кӯтоҳ
10531

Раисҷумҳури Тоҷикистон президенти навинтихоби Олмон Франк-Валтер Штайнмайерро бо пирӯзӣ муборак гуфта, аз рушди ҳамкориҳо бо Олмон изҳори умедворӣ кард

ДУШАНБЕ, 14 фев — Sputnik. Президенти Ҷумҳурии Тоҷикистон Эмомалӣ Раҳмон ба президенти Олмон номаи табрикотӣ ирсол намуд, хабар медиҳад хадамоти матбуоти раисҷумҳур.

Дар барқияи табрикотӣ аз ҷумла омадааст.

 "Ҷаноби Олӣ,

Бо камоли мамнуният Шуморо ба муносибати интихоб гардиданатон ба ҳайси Президенти Ҷумҳурии Федеративии Германия самимона табрик менамоям.

Мо густаришу таҳкими равобити дӯстӣ ва ҳамкории мутақобилан судмандро бо Германия аз самтҳои муҳим ва афзалиятноки сиёсати хориҷии Тоҷикистон медонем ва ояндаи онҳоро нек арзёбӣ менамоем.

Боиси қаноатмандист, ки ҳамкориҳои созандаву рушдёбандаи мо дар натиҷаи саъю талошҳои муштараки солҳои охир пайгирона вусъат ёфта,  мазмуну муҳтавои фарохтарро касб кардаанд.

Умедворам, ки ин раванд минбаъд низ идома ёфта, муносибатҳои ду кишвар боз ҳам рушд хоҳанд кард.

Бо истифода аз фурсати муносиб, ба Шумо, ҷаноби Президент, сиҳҳатмандиву саодат ва дар ҷодаи амалӣ намудани вазифаи пурмасъулияти наватон муваффақиятҳо, ба кишвари дӯсти Германия ва мардуми он амну амонӣ ва пешрафту шукуфоӣ хоҳонам".

Мавзуъ

Олмон ба собиқ маҳбусони низомии шӯравӣ 2,5 ҳазор евро медиҳад
Олмон ба осебдидагони Тоҷикистон 57 ҳазор евро ихтисос дод
Дар Олмон пажӯҳиши донишманди тоҷик дар бораи мафҳумот мунташир шуд
Барчаспҳо:
симмати президентӣ, номаи табрикотӣ, Эмомалӣ Раҳмон, Олмон, Тоҷикистон

Мавзӯъҳои асосӣ