Портфели - Sputnik Тоҷикистон
Тағйироти кадрӣ дар Тоҷикистон
Хабарҳои дигари таъйину барканориҳо дар Тоҷикистонро аз ин пайванд пайдо мекунед

Тағйироти кадрӣ аз Хатлон то Бадахшон: раисҷумҳур додситонҳоро иваз кард

© Фото : Аз дафтари матбуоти президенти ҶТМулоқоти Эмомалӣ Раҳмон бо зиёиёни кишвар
Мулоқоти Эмомалӣ Раҳмон бо зиёиёни кишвар - Sputnik Тоҷикистон
Обуна шудан
Эмомалӣ Раҳмон имрӯз дар паи машварати корӣ бо аъзои ҳукумат бархе аз додситонҳои вилоятҳои Хатлон ва Кӯҳистони Бадахшонро иваз кард

ДУШАНБЕ, 1 июн — Sputnik. Бино ба иттилоъи хадамоти матбуоти раисҷумҳур, машварати корӣ бо ширкати нахуствазир, раҳбари дастгоҳи раисҷумҳур, шаҳрдори Душанбе ва роҳбарони дигар вазоратҳо баргузор шуд.

Бо қарорҳои ҳукумат мудири кулли фурудгоҳи байналмилалии шаҳри Қӯрғонтеппа ва муовини мудири Агентии стандартизатсия, метрология, сертификатсия ва нозироти савдои Тоҷикистон таъйин шуданд.

Маҷлиси ҳукуматӣ. 26.05.2017 - Sputnik Тоҷикистон
Тағйироти кадрии Эмомалӣ Раҳмон дар вилояти Хатлон

"Дар мақомоти додситонӣ ва Агентии назорати маводи нашъаовар як қатор тағйироти кадрӣ ба амал оварда шуд", — омадааст дар иттилоъия.

Эмомалӣ Раҳмон додситонҳои шаҳру ноҳияҳои Ванҷ, Данғара, Фархор, Ҷалолиддини Балхӣ, Варзоб ва шаҳрҳои Сарбанду Истаравшанро таъйин кард.

Ҳамчунин муовини додситонии шаҳри Душанбе, сардори Раёсати кадрҳо ва сардори Шуъбаи назорати иҷрои қонунгузории молиётии Додситонии кулл ва Додситонии нақлиёти вилояти Суғд иваз шуданд.

Қаблан раисҷумҳур шаҳрдори Қӯрғонтеппаро иваз карда буд.

Лентаи хабарҳо
0