ДУШАНБЕ, 19 сен — Sputnik. Ба гузориши хадамоти иттилоъотии Вазорати умури хориҷаи ҶТ, дар дидоре, ки Соҳибзода пас аз баргузории маросими тақдими рӯнавишти устуворнома бо ал-Ҳамодӣ дошт, масъалаҳои мубрами рушди робитаҳои Тоҷикистон ва Қатар ва дурнамои тавсеаи ҳамкориҳои судманд дар соҳаҳои мухталиф баррасӣ шуданд.
Ҷонибҳо бо изҳори қаноатмандӣ аз сатҳи баланди ҳамкориҳои дуҷониба, иқдомҳои минбаъдаро дар ҷиҳати татбиқи амалии натиҷаҳои сафари расмии раисҷумҳури Тоҷикистон Эмомалӣ Раҳмон ба Қатар ва тавофуқоте, ки дар сатҳи олӣ дар Давҳа моҳи феврали соли 2017 ҳосил шуданд, ба нақша гирифтанд.
Ҳамчунин, атрофи дигар масъалаҳои мавриди эҳтимоми муштарак табодули назари судманд сурат гирифт.
