04:54 14 декабри 2019
Пахши мустақим
  • USD9.68
  • EUR10.82
  • RUB0.15
Ҷузвдон. Акс аз бойгонӣ

Муовини аввали раиси ВМКБ ба вакилии Маҷлиси намояндагон пешбарӣ шуд

© Sputnik / Алексей Витвицкий
Сиёсат
Гирифтани линки кӯтоҳ
853 0 0

Рӯзи 17 июни соли равон дар ҳавзаи якмандатии интихоботии Ванҷ №40 интихоботи миёнадаврӣ ба ивази вакили хориҷшудаи Маҷлиси намояндагони Маҷлиси Олии ҶТ баргузор мегардад

ДУШАНБЕ, 3 май — Sputnik. Нуралӣ Риоев, муовини аввали раиси Вилояти Мухтори Кӯҳистони Бадахшон номзад ба вакилии Маҷлиси намояндагони Маҷлиси Олӣ пешбарӣ шудааст, хабар медиҳад расонаҳои расмӣ.

Гуфта мешавад, ки номзадии Нуралӣ Риоев дар конфронси ғайринавбатии Кумитаи иҷроияи Ҳизби Халқӣ- Демократии Тоҷикистон дар ВМКБ, ки дар Кохи фарҳанги ноҳияи Рӯшон баргузор шудааст, аз ҳавзаи якмандатии интихоботии Ванҷ №40 пешбарӣ гардидааст.

Ҷаласа дар ВМКБ
© Фото : Аз равобити умумии ҳукумати ВМКБ

Ба ҳавзаи мазкур интихобкунандагон аз ноҳияҳои Дарвоз, Ванҷ, Рӯшон ва Шуғнон шомил мебошанд.

Ба гузориши манбаъ, дар оғози конфронс вакилон нахуст хотираи вакили Маҷлиси намояндагони Маҷлиси Олии Ҷумҳурии Тоҷикистон Муҳаббатшоҳ Рӯзадорро, ки бар асари бемории сактаи дил аз олам даргузашт, пос доштанд.

Дар конфронс вакилон номзадии Нуралӣ Риоевро ба вакилии Маҷлиси намояндагони Маҷлиси Олии Ҷумҳурии Тоҷикистон аз ҳавзаи якмандатии интихоботии Ванҷ №40 якдилона пешбарӣ карданд.

Раиси Кумитаи иҷроияи Ҳизби Халқии Демократии Тоҷикистон дар Вилояти Мухтори Кӯҳистони Бадахшон Ҷонибеки Қозибек дар фарҷоми конфронс аз аъзоён ва ҷонибдорони ҳизб даъват кардааст, ки дар рӯзи овоздиҳӣ фаъолона ширкат намоянд.

Ёдоварӣ мекунем, ки 17 июни соли равон дар ҳавзаи якмандатии интихоботии Ванҷ №40 интихоботи миёнадаврӣ ба ивази вакили хориҷшудаи Маҷлиси намояндагони Маҷлиси Олии Ҷумҳурии Тоҷикистон баргузор мегардад.

Барчаспҳо:
ба Маҷлиси намояндагон, номзадӣ, пешбарӣ, Нуралӣ Риоев, ВМКБ, Тоҷикистон

Мавзӯъҳои асосӣ