Эмомалӣ Раҳмон чандин қонунро имзо кард

© Пресс-служба президента Республики ТаджикистанПрезидент Республики Таджикистан, Эмомали Рахмон, архивное фото
Президент Республики Таджикистан, Эмомали Рахмон, архивное фото - Sputnik Тоҷикистон
Обуна шудан
Раисҷумҳури Тоҷикистон як қатор қонунҳоеро, ки Маҷлиси намояндагон онҳоро қабул ва Маҷлиси миллӣ ҷонибдорӣ намуда буд, имзо кардааст

ДУШАНБЕ, 18 май— Sputnik. Эмомалӣ Раҳмон аз ыумла Қонунҳо "Дар бораи ҳаракат дар роҳ", "Дар бораи бехатарии иншоотҳои гидротехникӣ", "Дар бораи маводи доруворӣ ва фаъолияти фарматсевтӣ" ва "Дар бораи маориф", "Дар бораи таҳсилоти олии касбӣ ва таҳсилоти касбии баъд аз муассисаҳои олии таълимӣ"-ро имзо кардааст.

Қонун "Дар бораи ҳаракат дар роҳ" дар таҳрири нав қабул гардида, асосҳои ҳуқуқӣ, ташкилӣ, иқтисодӣ ва иҷтимоии ҳаракат дар роҳҳоро муайян намуда, идоракунии давлатии ҳаракат дар роҳ ва ҳуқуқу уҳдадориҳои иштирокчиёни ҳаракат дар роҳро танзим карда, таснифи роҳҳои автомобилгард ва воситаҳои нақлиётро муқаррар менамояд.

Ситуация на автодороге Душанбе-Хорог, архивное фото - Sputnik Тоҷикистон
Тасдиқи созишномаи қарзӣ барои таъмири роҳи Кӯлоб-Қаълаихумб дар парлумон

Ҳамзамон, ба чорабиниҳои таъмини бехатарии ҳаракат дар роҳ ва таъминоти тиббии бехатарии иштирокчиёни ҳаракат дар роҳ диққати махсус дода мешавад.

Мувофиқи тағйиротҳои ба Кодекси ҳуқуқвайронкунии маъмурии Ҷумҳурии Тоҷикистон ворид кардашуда ҷавобгарӣ барои ташкил ва иштирок дар пойгаҳои ғайрирасмӣ пешбинӣ карда мешавад.

Минбаъд нисбати шахсоне, ки пойгаҳои ғайрирасмиро ташкил мекунанд, ё дар ин пойгаҳо воситаҳои нақлиётро идора мекунанд ва ё воситаҳои нақлиёташонро ба дигар шаҳсон барои иштирок дар пойгаи ғайрирасмӣ медиҳанд, ба андозаи аз дусаду панҷоҳ то сесад нишондиҳанда барои ҳисобҳо (яъне аз дувоздаҳ ҳазору панҷсад то понздаҳ ҳазор сомонӣ) ҷарима таъин карда мешавад. Ҳамзамон ин шахс аз ҳуқуқи идораи воситаҳои нақлиёт ба муҳлати ду сол маҳрум карда мешавад.

Агар шахс ин кирдорро такроран содир намояд андозаи ҷарима чорсад нишондиҳанда барои ҳисобҳо ё бист ҳазор сомониро ташкил медиҳад.

Мувофиқи тағйироти дигари ба ин Кодекс воридкардашуда барои ҳуқуқвайронкуниҳо дар соҳаи бехатарии иншоотҳои гидротехникӣ ҷавобгарии маъмурӣ пешбинӣ карда мешавад.

Тағйиротҳои ба қонунҳо "Дар бораи Қушунҳои дохилии Вазорати корҳои дохилии Ҷумҳурии Тоҷикистон", "Дар бораи мақомоти амнияти миллии Ҷумҳурии Тоҷикистон" ва "Дар бораи Қушунҳои сарҳадии Кумитаи давлатии амнияти миллии Ҷумҳурии Тоҷикистон" ворид кардашуда аз мансаб озод намудани кормандони ин мақомотро барои вайрон намудани тартиби муқаррарнамудаи қонунгузории Ҷумҳурии Тоҷикистон дар бораи танзими анъана ва ҷашну маросим пешбинӣ менамояд.

Мувофиқи тағйири ба Қонуни Ҷумҳурии Тоҷикистон "Дар бораи таҳсилоти миёнаи касбӣ" воридшуда, қисми 6 моддаи 10 ин Қонун, ки ҳиссаҷудокуниро барои ба муассисаҳои таълимии таҳсилоти миёнаи касбӣ пешбинӣ мекард, хориҷ карда шуда, имконияти ба ин муассисаҳои таълимӣ дохил шудани ятимону бепарасторон ва маъюбонро васеъ гардонид.

Лентаи хабарҳо
0