22:05 19 апрели 2019
Пахши мустақим
  • USD9.44
  • EUR10.62
  • RUB0.15
Эмомалӣ Раҳмон, раисиҷумҳури Тоҷикистон ва Антониу Гутерриш, акс аз бойгонӣ

Дабири кулли СММ Эмомалӣ Раҳмонро шодбош гуфт

© Пресс-служба президента Республики Таджикистан
Сиёсат
Гирифтани линки кӯтоҳ
127 0 0

Антониу Гутерриш, дабири кулли Созмони Милали Муттаҳид, Эмомалӣ Раҳмон, раисиҷумҳури Тоҷикистонро ба муносибати пазируфта шудани пешниҳодаш аз сӯи аъзои созмон шодбош гуфтааст

ДУШАНБЕ, 25 дек – Sputnik. Тибқи иттилои дафтари матбуоти раисиҷумҳури Тоҷикистон, Гутерриш дар паёмаш ба Эмомалӣ Раҳмон изҳор доштааст, қатъномаи Маҷмаи Умумии СММ таҳти унвони “Арзёбии фарогири миёнамуҳлати Даҳсолаи байналмилалии амал “Об барои рушди устувор, 2018-2028”, ки бо ибтикори ҳайати Тоҷикистон пешбарӣ гардид, якдилона қабул шуд.

“Руйдоди мазкур қадаме бузург ва таҷассумгари эътимоди кишварҳои аъзои СММ нисбат ба Тоҷикистон, ҳамчун кишвари пешсаф дар пешбурди масоили об ва ҳомии раванди  ҷаҳонии амалисозии ҳадафу вазифаҳои марбут ба оби Рӯзномаи 2030 барои рушди устувор маҳсуб меёбад”, - изҳор доштааст дабири кулли СММ.

Гутерриш изҳори боварӣ кардааст, ки кишварҳои узви СММ аз ваколатҳои нави қатъномаи мазкур, аз ҷумла тариқи арзёбии миёнамуҳлати татбиқи ҳадафҳои Даҳсола, ки дар соли 2023 ба нақша гирифта шудааст, самаранок истифода хоҳанд намуд.

Дабири кулли СММ дар охир ба Эмомалӣ Раҳмон барои садоқат дар пешбарии ин самти муҳим изҳори сипос кардааст.

Мавзӯъҳои асосӣ