Файзов ба мансабдорон: ҳақиқатро ба мардум гӯед, бардурӯғ умедвору саргардон накунед

© саҳифаи фейсбукии мақомоти иҷроияи ВМКБЁдгор Файзов, иҷрокунандаи вазифаи раиси ВМКБ
Ёдгор Файзов, иҷрокунандаи вазифаи раиси ВМКБ - Sputnik Тоҷикистон
Обуна шудан
Ёдгор Файзов, раиси Вилояти Мухтори Куҳистони Бадахшон мегӯяд, агар мансабдорон имкони ҳалли мушкили мардумро надошта бошанд, набояд фиреб диҳанду идора ба идора саргардон кунанд

ДУШАНБЕ, 31 янв — Sputnik. Файзов зимни машварати назоратӣ дар ҳукумати ВМКБ, масъалаи қабули шаҳрвандонро баррасӣ карда, таъкид намудааст, ки мақомоти навоҳӣ бояд бидуни дахолати ҳукумати вилоятӣ барои ҳалли мушкили мардум чораҷӯӣ кунанд.

Автомашина ГАИ Таджикистана, архивное фото - Sputnik Тоҷикистон
Ҳушдори Зувайдзода: 1 моҳ муҳлат, вагарна нозирони БДА-ро аз Душанбе мебардорем

Ӯ роҳбаронро муваззаф кардааст, ки зимни қабул бояд ба шаҳрвандон ҷавоби дақиқу асоснок диҳанд.

“Мутаассифона мақомотҳои маҳаллӣ имкони иҷрои дархостҳои зиёди мардумро надоранд. Бинобар ин мо бояд ҳақиқатро рӯирост ба мардум бигӯем ва халқро бардурӯғ умедвор ва идора ба идора саргардон накунем”, - изҳор доштааст раиси ВМКБ.

Ӯ изҳор доштааст, ки “агар мо талаби шаҳрвандонро қонеъ карда натавонем ҳам муомилаи нек бо шаҳрвандон бояд кард”.

“Дар вақташ додани ҷавоби мусбӣ ё манфии асоснок вазифаи асосии роҳбарон буда, ҳамагон бояд онро риоя намоянд", - таъкид намудааст Файзов.

Тибқи иттилои дафтари матбуоти ҳукумати ВМКБ худи раиси вилоят ҳар ҳафта то 100 корафтодаро қабул мекунад. Ба иттилои манбаъ, аксари муроҷиатҳо ба масъалаҳои камбуди манзили зист, таъмин бо ҷойи кор ва кумаки молиявӣ рабт доранд.

Лентаи хабарҳо
0