18:14 20 феврали 2019
Пахши мустақим
  • USD9.44
  • EUR10.69
  • RUB0.14
Абдулазиз Комилов, вазири умури хориҷии Узбакистон, акс аз бойгонӣ

Хашми вазири Узбакистон аз иддао дар бораи ҳамлаи Толибон ба Осиёи Миёна

© Sputnik / Сергей Пятаков
Сиёсат
Гирифтани линки кӯтоҳ
249 0 0

Абдулазиз Комилов, вазири умури хориҷии Узбакистон иддао дар мавриди ҳамлаи Толибон ба Осиёи Марказиро хашмбарангез хонда, гуфт, чунин даъвоҳои бедалелро 25 сол боз мешунавад

ДУШАНБЕ, 8 фев — Sputnik. Комилов мегӯяд, иддаои ҳамлаи ҷангҷӯёни Толибон ба кишварҳои Осиёи Марказӣ, на танҳо норозигӣ, балки хашмбарангезанд, иттилоъ додааст расонаи gazeta.uz.

Ба иттилои манбаъ, вазир таъкид кардааст, ки ҳеч далеле барои чунин изҳорот мавҷуд нест.

“Дар ҳошияи рақобати кишварҳои бузург иддао садо медиҳанд, ки фардо вазъ дар Осиёи Марказӣ метаркад. Аллакай 25 сол мешунавам, ки Толибон ба Осиёи Марказӣ ҳамла мекунанд, ҷангиён дар шимол ҷамъ шудаанд ва ғайра. Ҳар яке ҳадафҳои худро доранд”, - таъкид кард Комилов.

Ба гуфтаи вазири умури хориҷии Узбакистон дар сурати роҳ ёфтани Толибон ба идораи Афғонистон, онҳо ниёз ба Узбакистон хоҳанд дошт ва тиҷорату роҳҳои баромад тариқи Тирмизро зикр кард.

Абдулазиз Комилов бо зикри вазъи мураккаб дар Афғонистон таъкид кард, ки ҳар абарқудрате дар мавриди Осиёи Марказӣ консепсияи азхудкунӣ дорад.

“Мо мехоҳем, ки дар минтақа сулҳ, субот, иттиҳод ва рушд бошад ва намехоҳем, ки дар ин раванд бархӯрди бозигарони сахт сурат бигирад. Мехоҳем бо ҳама тавозун нигоҳ дорему ҳамкорӣ кунем”, - таъкид кардааст Комилов.  

Барчаспҳо:
Толибон, Афғонистон, вазир, даъво, Узбакистон

Мавзӯъҳои асосӣ