06:15 22 июли 2019
Пахши мустақим
  • USD9.44
  • EUR10.60
  • RUB0.15
Ёдгор Файзов, раиси ВМКБ, акс аз бойгонӣ

Дигар иҷрокунанда нест: Файзов Ёдгор Доёрович раиси ВМКБ интихоб шуд - акс

© Facebook / Голиб Ниятбеков
Сиёсат
Гирифтани линки кӯтоҳ
356 0 0

Вакилони халқи Вилояти Мухтори Куҳистони Бадахшон якдилона аз номзадии Файзов Ёдгор Доёрович ба мақоми раиси ВМКБ ҷонибдорӣ карданд

ДУШАНБЕ, 4 мар — Sputnik. Тибқи иттилои Ғолиб Ниятбеков, сухангӯи мақомоти иҷроияи ВМКБ, вакилони халқи вилоят аз пешниҳоди раисиҷумҳур барои ба мақоми раиси ВМКБ таъин намудани Ёдгор Файзов ҷонибдорӣ карданд.

Қаблан Файзов  аз ҳавзаи интихоботии Аличур №60 бо ҷонибдории 98 дарсади овоздиҳандагон вакили Маҷлиси вакилони халқи Вилояти Мухтори Куҳистони Бадахшон интихоб шуда буд.

Акнун дар назар аст, ки номзадии Файзов ба мақоми узви Маҷлиси миллии Тоҷикистон пешниҳод гардад ва ӯ ҷойгузини Шодихон Ҷамшед дар мақоми муовини раиси Маҷлиси миллӣ шавад.

Аъзои Маҷлиси миллӣ охири декабри 2018 Шодихон Ҷамшед, муовини раиси Маҷлиси миллиро барои фаъолияти парсамар бо Ифтихорномаи Маҷлиси миллӣ қадрдонӣ намуда, бинобар ишғоли вазифае, ки ба ваколати узви Маҷлиси миллӣ мувофиқат  намекунад, ваколаташро пеш аз муҳлат қатъ намуданд.

Шодихон Ҷамшед, собиқ раиси ВМКБ ва муовини раиси Маҷлиси миллӣ аз ҷониби Эмомалӣ Раҳмон, раисиҷумҳури Тоҷикистон ба мақоми муовини вазири тандурустии кишвар таъин гардид.

Мавзӯъҳои асосӣ