Сафири Эрон: эрониён ва тоҷикон ҷудоинопазиранд

© Sputnik / © Sputnik / Амир ИсаевГород Душанбе, архивное фото
Город Душанбе, архивное фото - Sputnik Тоҷикистон
Обуна шудан
Сафири собиқи Эрон дар Тоҷикистон Алиасғар Шеърдӯст гуфтааст, агар ҳамакнун сӯитафоҳуме ҳаст, ки ҷиддӣ ҳам нест, вазифаи давлатмардони ду кишвар аст, ки барои барчидани он иқдом кунанд

ДУШАНБЕ, 5 мар — Sputnik. Сафири собиқи Эрон дар Тоҷикистон гуфт, эрониён ва тоҷикон ҷудоинопазиранд, менависад "Парс тудэй".

Ба иттилои манбаъ, Алиасғари Шеърдӯст, пажӯҳишгари таърих ва адабиёти форсӣ дар маросими фарҳангии “Шаби Тоҷикистон” дар Теҳрон ин нуктаро таъкид кардааст.

 “Агар ҳамакнун сӯитафоҳуме ҳаст, ки ҷиддӣ ҳам нест, вазифаи давлатмардони ду кишвар аст, ки барои барчидани он иқдом кунанд”, - изҳор доштааст вай.

 “Мо на танҳо ба гузаштаи муштарак ифтихор мекунем, балки ояндаи муштарак ҳам дорем ва ниёз аст, ки мардони бузург по пеш бигузоранд ва сӯитафоҳумҳоро аз миён бардоранд, чун мо душманони муштарак ва дӯстони муштарак ва ояндаи муштарак дорем”, - афзудааст Шеърдӯст.

Сафири собиқ гуфтааст, шоирон ва адибоне монанди Сотим Улуғзода ва Лоиқ Шералӣ дар эҳёи фарҳанг ва адаби Эрон ва Тоҷикистон нақши муҳиме ифо карда ва ҳамвора дар ашъори худ аз пайванди ногусастании ду миллат сурудаанд.

Шеърдӯст гуфт, дар рӯзҳои сахти Эрон, тоҷикон ёру мададрасони Эрон буданд ва дар рӯзҳои сахти Тоҷикистон ҳам Эрон ба ёрии тоҷикон шитофт. Чун як миллатанд ва як мардум бо орзуҳо ва ояндае муштарак.

Лентаи хабарҳо
0