05:03 26 апрели 2019
Пахши мустақим
  • USD9.44
  • EUR10.50
  • RUB0.15
Встреча спасенных в Ираке российских детей в аэропорту Грозного, архивное фото

Дар Бағдод бозгардонии кӯдакони тоҷикро аз Ироқ баррасӣ карданд

© Sputnik / Саид Царнаев
Сиёсат
Гирифтани линки кӯтоҳ
103 0 0

Бино ба маълумоти расмӣ дар давоми ду соли ахир ҳукумати Тоҷикистон тавониста 21духтару 20 писарро аз кишварҳои ҷангзада ба ватан баргардонидааст

ДУШАНБЕ, 18 мар — Sputnik. Дар Бағдод масъалаи ба Тоҷикистон бозгардонидани кӯдакони тоҷикро аз Ироқ баррасӣ карданд. Дар ин бора равобити умумии Вазорати умури хориҷаи Тоҷикистон хабар медиҳад.

Сафири Фавқулодда ва Мухтори Ҷумҳурии Тоҷикистон дар Кувайт Зубайдзода Зубайдулло Наҷот ин масъаларо бо муовини вазири корҳои хориҷии Ироқ  оид ба масъалаҳои ҳуқуқӣ ва муносибатҳои бисёрҷониба Ҳозим ал-Юсуфӣ баррасӣ кардааст.

Дар баробаи ин ҷонибҳо, густариши муносибатҳои дуҷониба дар соҳаҳои иқтисод, тиҷорат, сармоягузорӣ, сайёҳӣ, мубориза бо терроризму экстремизмро муҳокима кардаанд.

Баргузории машваратҳои сиёсӣ миёни вазоратҳои корҳои хориҷии ду кишвар, иштироки ҷониби ироқӣ дар Саммити 5-уми давлатҳои аъзои МҲТБО ва Конфронси сатҳи баланд зери унвони “Ҳамкории байналмилалӣ ва минтақавӣ дар мубориза бо терроризм ва манбаъҳои маблағгузории он, аз ҷумла гардиши ғайриқонунии маводи мухаддир ва ҷиноятҳои муташаккил” мавриди баррасии ҷонибҳо қарор гирифт.

Ҳамчунин ҷонибҳо бар зарурати табодули сафарҳои сатҳи баланду олӣ ва ба роҳ мондани ҳамкориҳо миёни мақомоти қудратии ду кишвар таъкид ва доир ба вазъият дар Ховари Миёна ва Афғонистон табодули афкор кардаанд.

Ёдовар мешавем, ки моҳи феврал Вазорати умури хориҷаи Тоҷикистон хабар дод, ки то ин дам дар зиндонҳои Ироқ 43 зани тоҷик ва 92 кӯдакони ноболиғ ҳастанд, ки ҳукумат дар паи бозгардонии онҳо ба ватан аст.

Бино ба маълумоти расмӣ дар давоми ду соли ахир ҳукумати Тоҷикитон тавониста 19 хонавода, 61 нафар миёни онҳо 21 духтару 20 писарро аз кишварҳои ҷангзада ба ватан баргардонидааст.

Мавзуъ

Қодиров вазъи кӯдаконе, ки аз Сурияву Ироқ баргардонида шуданд хуб арзёбӣ кардааст
Қиссаи ҷавони тоҷик аз пайвастшавӣ ба ДОИШ то "насиҳат"-ҳои Гулмурод Ҳалимов дар Ироқ
Ироқ омодагияшро барои баргардондани занону кӯдакони тоҷик ба Ватан баён дошт
Дар Ироқ 5 зани тоҷикро ба ҳабси абад маҳкум карданд

Мавзӯъҳои асосӣ