ДУШАНБЕ, 26 апр — Sputnik. Президенти Русия Владимир Путин ва кишвардори Куреи Шимолӣ ба ҳамдигар туҳфаҳо тақдим карданд. Дар ин бора РИА Новости хабар медиҳад.
Қатори зиреҳпӯш, лимузин ва муҳофизони даванда: сафарҳои хориҷии Ким Чен Ин
Чанде пеш дар Владивосток музокироти сатҳи олии кишвардорони Русия ва Куреи Шимолӣ анҷом ёфт. Ба муносибати сафари Ким Чен Ин ҷониби Русия ҳайати Куреи Шимолиро меҳмондорӣ кард ва дар чорчӯби он раҳбари Куреи Шимолӣ ва Русия ба ҳамдигар ҳадяҳои ғайриоддӣ тақдим гардид.
Ҳамин тавр, Владимир Путин ба Ким Чен Ин таҷҳизоти чойхӯрӣ ва шамшер ҳадя кард.
Дар навбати худ Ким Чен Ин ба Путин зулфиқор ҳадя кард. Ӯ қайд кард, ки силоҳ рамзи дили ӯ ва мардуми Куреи Шимолӣ аст.
Инро бояд дид: муҳофизони Ким Чен Ин аз паси мошинаш медаванд
Ҳангоми тақдими ҳадяҳо раҳбарони кишварҳо анъанаи қадимиро фаромӯш накарда ба ҳамдигар тангаҳо доданд.
Ёдовар мешавем, ки раҳбари Куреи Шимолӣ бо сафари ду рӯза ба Русия омад.
Ӯ рӯзи 25 апрел дар Владивосток бо Владимир путин мулоқот кард, вале дар паи ин музокирот санаде имзо нашуд.
