Мулоқоти стратегҳои Тоҷикистону Узбакистон

© Пресс-служба президента УзбекистанаПарк имени Низомиддина Алишера Навои в Душанбе
Парк имени Низомиддина Алишера Навои в Душанбе - Sputnik Тоҷикистон
Обуна шудан
Диловар Қодирзода, раиси Маркази тадқиқоти стратегии назди раисиҷумҳури Тоҷикистон ҳамроҳи муовинҳо бо ҳамтоёнашон аз Узбакистон мулоқот кардаанд

ДУШАНБЕ, 13 июн — Sputnik. Тибқи иттилои Маркази тадқиқоти стратегии Тоҷикистон, ҷониби Узбакистонро дар ин мулоқот Элдор Орипов, директори Институти тадқиқоти стратегӣ ва байниминтақавии назди раисиҷумҳури Узбакистон намояндагӣ кард.

Алишер Усманов, архивное фото - Sputnik Тоҷикистон
Алишер Усмонов дар Намангон "осмонбӯс" меcозад

Диловар Қодирзода дар мулоқот таъкид кардааст, ки Тоҷикистон ва Узбакистон давлатҳои дӯсту ҳамсоя ва шарики муҳими стратегӣ ба ҳисоб мераванд.

Қодирзода ҳамкориҳои мутақобилан судманди ҳар ду кишварро самараи сафарҳои давлатии раисиҷумҳури Узбакистон Шавкат Мирзиёев ба Тоҷикистон ва сафари Эмомалӣ Раҳмон ба Узбакистон хондааст.

“Имзои 56 созишнома ва қарордоди давлатӣ байни ду кишвар, махсусан, созишномаи ҳамкории стратегӣ, натиҷаи кӯшишу талошҳои сарварони ду давлат барои боз ҳам мустаҳкам гардидани робитаҳои сиёсиву иқтисодӣ, иҷтимоиву фарҳангии Тоҷикистон ва Ӯзбекистон мебошад”, - омадааст дар иттилоия.

Подготовка к пробежке, архивное фото - Sputnik Тоҷикистон
Варзишкорони тоҷик дар Тошканд соҳиби 5 медали тилло гардиданд

Элдор Орипов изҳор доштааст, ки ҷониби Узбакистон хоҳони густариши робитаҳои илмиву тадқиқотӣ дар соҳаҳои сиёсату иқтисодиёт, иҷтимоиёту фарҳанги байни ду кишвари ҳамсоя мебошад ва амалӣ намудани чанд лоиҳаи муштарак ба нафъи ҳар ду тараф аст.

Тарафҳо тасмим гирифтаанд, ки тибқи Ёддошти тафоҳуми имзошуда байни ҳар ду муассисаи муҳими давлатӣ ҳамкориҳои самарабахши илмиву тадқиқотӣ ба роҳ монда мешаванд.

Диловар Қодирзода зимни натиҷагирӣ аз мулоқот изҳори умед намуд, ки минбаъд низ робитаҳои сиёсиву иқтисодӣ, иҷтимоиву фарҳангӣ, илмиву адабии халқҳои ду кишвари дӯсту ҳамсоя - Тоҷикистон ва Узбакистон беш аз пеш густариш ва равнақ меёбанд.

Лентаи хабарҳо
0