Баҳои баланди президенти Эрон Ҳасан Руҳонӣ ба ҳукумати Тоҷикистон

© Sputnik / Сергей Гунеев / Гузариш ба медиабонкПрезидент Исламской Республики Иран Хасан Роухани, архивное фото
Президент Исламской Республики Иран Хасан Роухани, архивное фото - Sputnik Тоҷикистон
Обуна шудан
Президенти Эрон Ҳасан Руҳонӣ ба ҳукумати Тоҷикистон барои баргузории нишасти 5-уми МҲТБО дар Душанбе, баҳои баланд дод

ДУШАНБЕ, 18 июн — Sputnik. Руҳонӣ зимни мулоқот бо сафири Тоҷикистон дар Эрон Низомиддин Зоҳидӣ, ба ҳукумати Тоҷикистон баҳогузорӣ кардааст, хабар медиҳад Вазорати корҳои хориҷии Тоҷикистон.

"Ҳасан Руҳонӣ ба Ҳукумати Ҷумҳурии Тоҷикистон барои мизбонӣ ва баргузории шоистаи 5-умин иҷлоси сарони кишварҳои узви Машварати ҳамкорӣ ва тадбирҳои боварӣ дар Осиё баҳои баланд дод",-омадааст дар хабарнома.

Президент Ирана Хасан Роухани и президент Таджикистана Эмомали Рахмон - Sputnik Тоҷикистон
Гуфтугӯи судманд: Раҳмону Руҳонӣ дар чӣ бора суҳбат карданд?

Ҳамчунин Ҳасан Руҳонӣ зимни мулоқот бо сафири Тоҷикистон дар Эрон Низомиддин Зоҳидӣ бо ишора ба натиҷаҳои мулоқоти охираш бо Эмомалӣ Раҳмон дар Душанбе рӯзи 15 июни соли 2019, омодагии кишварашро ба ҳамкорӣ бо Тоҷикистон дар ҳама соҳаҳо, аз ҷумла иқтисодиёт, тиҷорат, фарҳанг ва дар чаҳорчӯби созмонҳои минтақавию байналмилалӣ эълон дошта, ин равобитро ба нафъи ду давлат ва минтақа донистааст.

Пештар хабар дода шуд, ки сафири Тоҷикистон дар Эрон Низомиддин Зоҳидӣ эътимодномаашро ба президенти Эрон Ҳасан Руҳонӣ супурд.

Ин дар ҳолест, ки ахиран миёни Тоҷикистон ва Эрон “Ёддошти тафоҳум байни Ҳукумати Ҷумҳурии Тоҷикистон ва Ҳукумати Ҷумҳурии Исломии Эрон оид ба усул ва чаҳорчӯби ҳамкории дуҷониба дар соҳаи амният”, имзо шуд.

Здание Международного аэропорта Душанбе. Архивное фото - Sputnik Тоҷикистон
Парвозҳо миёни Тоҷикистону Эрон аз сар гирифта шуданд

Тарафҳо тибқи Ёддошти баимзорасида, минбаъд вазифадор мешаванд, ки ҷиҳати таъмини амният ва мубориза бар зидди ҷинояткорӣ дар самтҳои пешгирӣ аз ғасби ҳокимият, таҳдидҳо бар зидди асосҳои сохтори конститутсионӣ, мубориза бо терроризму ифротгароӣ ва маблағгузории онҳо, пешгирии муомилоти ғайриқонунии силоҳ ва моддаҳои тарканда, маблағгузории терроризм ва ифротгароӣ ҳамкорӣ карда, ба корҳои дохилии якдигар дахолат намекунанд.

Лентаи хабарҳо
0