05:31 14 ноябри 2019
Пахши мустақим
  • USD9.70
  • EUR10.67
  • RUB0.15
Города мира. Куала-Лумпур

Сафири Тоҷикистон нусхаи эътимодномаашро ба Шоҳи Малайзия супурд

© Sputnik / Файед Эль-Гезири
Сиёсат
Гирифтани линки кӯтоҳ
49 0 0

Ардашер Қодирӣ сафири навтаъини Тоҷикистон дар Малайзия нусхаи эътимодномаашро ба Шоҳи Малайзия супурд

ДУШАНБЕ, 19 июл — Sputnik. Тибқи иттилои Вазорати умури дохилаи Тоҷикистон маросими супоридани нусхаи эътимоднома, дирӯз 18-уми июл баргузор шуд.

Ардашер Қодирӣ моҳи апрели соли равон бо дастури раисиҷумҳури Тоҷикистон Эмомалӣ Раҳмон ба симмати сафири фавқуллодаи Тоҷикистон дар Малайзия баргузида шуд.

Қаблан сафири фавқуллода ва мухтори Тоҷикистон дар Малайзия, Музаффар Муҳаммадӣ буд, ки ахиран  аз ҷониби Эмомали Раҳмон роҳбари давлат бинобар ба вазифаи дигар гузаштан аз мақоми сафир дар ин кишвар озод гардид.

Ба иттилои манбаъ, пас аз маросими супоридани эътимоднома, Шоҳи Малайзия ба Ардашер Қодирӣ сафири Тоҷикистон барои иҷрои вазифаи масъулиятноки дипломатияш муваффақият орзу намуд.

Тоҷикиро омӯхт: таъини сафири нави Британияи Кабир дар Тоҷикистон

Шоҳи Малайзия зикр намуд, ки барои рушд ва тавсеаи муносибатҳои дуҷониба имкониятҳои кофӣ мавҷуданд, ки онҳо ба пуррагӣ истифода намешаванд.  

Ӯ изҳори умед намуд, ки таъйини Сафири ба ин раванд такони нав мебахшад.

Инчунин ҷонибҳо дурнамои рушди муносибаҳои дуҷонибаро дар соҳаҳои иқтисодӣ, сиёсӣ ва гуманитарӣ, ҳамзамон ҳамкории фаъол дар ҳошияи созмонҳои байналмилалӣ ва минтақавӣ мавриди баррасӣ қарор доданд.

Сафири Тоҷикистон арз намуд, ки барои рушд ва тавсеаи босамари муносибатҳои дуҷониба миёни кишварҳо ва халқҳои дӯст тамоми кӯшишҳоро ба харҷ хоҳад дод.

Барчаспҳо:
эътимоднома, нусха, тоҷик, сафир, Малайзия

Мавзӯъҳои асосӣ