Ҷаласа дар ҳукумати Душанбе: тоҷикон собит месозанд, ки таърихан шаҳрсозу шаҳрнишин буданд

© Sputnik / Амир ИсаевДушанбе площадь "Дусти" памятник Исмоилу Сомони
Душанбе площадь Дусти памятник Исмоилу Сомони - Sputnik Тоҷикистон
Обуна шудан
Масъулини шаҳрдории Душанбе ба ифтихори 28 - умин солгарди Истиқлолияти давлатӣ ҷамъомади тантанавӣ баргузор карда, паёми шодбошии раиси пойтахт, Рустами Эмомалиро шуниданд

ДУШАНБЕ, 6 сен — Sputnik.  Тибқи иттилои дафтари матбуоти шаҳрдорӣ, роҳбари дастгоҳи Раиси шаҳр паёми шодбошии Рустами Эмомалиро ба самъи иштирокчиён расондаст.

Шукурджон Зухуров, Озода Рахмон и Рустам Эмомали - Sputnik Тоҷикистон
Аз даромаду дин то интернету дахлнопазирии Президент: 310 суоле, ки дар шаҳрдорӣ мепурсанд

Манбаъ афзуд, дар ҷаласа таъкид шуд, ки истиқлолият барои мардуми куҳанбунёди тоҷик арзиши муқаддасу сарнавиштсоз буда, хурду бузурги кишвар барои тақвияти пояҳои давлатдории навини худ бо азму талоши ватандӯстона заҳмат мекашанд ва дар ҷодаи расидан ба ҳадафҳои стратегии кишвар ба дастовардҳои бесобиқа ноил гардидаанд.

Зикр шудааст, ки таҳти сарварии раисиҷумҳури Тоҷикистон Эмомалӣ Раҳмон се ҳадафи стратегии миллӣ – таъмини истиқлолияти энергетикӣ, раҳоӣ аз бунбасти коммуникатсионӣ ва ҳифзи амнияти озуқаворӣ ба марҳалаи ниҳоии худ наздик расидааст.

“Ҳадафи чоруми миллӣ-саноатикунонии мамлакат бо маром идома дорад”, - изҳор доштааст котибот.

Зоопарк в Душанбе. Архивное фото - Sputnik Тоҷикистон
Шаҳрдорӣ ба роҳбарияти “Боғи ҳайвонот”: ба шумо муҳлат камбудиҳоро зуд бартараф кунед

Дар ҷаласаи шаҳрдорӣ таъкид шудааст, ки дар солҳои соҳибистиқлолӣ симои пойтахти давлати тоҷикон - шаҳри Душанбе ба куллӣ дигаргун шуда, дар натиҷаи заҳмати аҳлонаву ватандӯстонаи сокинон ва соҳибкорону ашхоси бонангу номуси он амалҳои ободониву созандагӣ вусъати тоза касб намудаанд.

Таъкид шудааст, ки таъсиси корхонаву коргоҳҳои саноатӣ, бунёди муассисаҳои иҷтимоӣ, марказҳои варзишӣ, таъмиру азнавсозии роҳҳо ва инфрасохтори хизматрасонӣ боиси рушди босуръати пойтахти маҳбубамон гардид.

Масъулини пойтахт изҳори боварӣ кардаанд, ки сокинони шаҳри Душанбе минбаъд низ корҳои ободониро вусъати бештар бахшида, Душанберо, воқеан ҳам, ба шаҳри зебову пешрафта табдил дода, собит месозанд, ки тоҷикон дар тӯли таърихи худ мардуми шаҳрсозу шаҳрдору шаҳрнишин буданд.

Лентаи хабарҳо
0