Си Ҷинпин ба Раҳмон ва мардуми тоҷик чӣ таманниёт кард

© дафтари матбуоти раисиҷумҳури ТоҷикистонЭмомалӣ Раҳмон, раисиҷумҳури Тоҷикистон ба Си Ҷинпин, раисиҷумҳури Чин ордени давлатии Тоҷикистон дод
Эмомалӣ Раҳмон, раисиҷумҳури Тоҷикистон ба Си Ҷинпин, раисиҷумҳури Чин ордени давлатии Тоҷикистон дод - Sputnik Тоҷикистон
Обуна шудан
Раисҷумҳури Чин Си Ҷинпин ба унвонии Раисҷумҳури Тоҷикистон Эмомалӣ Раҳмон номаи шодбошӣ ирсол кардаст

ДУШАНБЕ, 7 сен — Sputnik.  Дар ин нома Си Ҷинпин Эмомали Раҳмонро ба муносибати 28-умин солгарди истиқлоли давлатии Тоҷикистон табрик кардааст.

Бино ба гузориши котиботи раисиҷумҳури Тоҷикистон, Президенти Чин дар барқияаш гуфтааст:

"Муҳтарам раисҷумҳури Тоҷикистон Эмомалӣ Раҳмон, иҷозат фармоед аз номи Ҳукумат ва мардуми Чин, ҳамчунин шахсан аз номи худам  табрикоти самимӣ ва беҳтарин таманниёти ин ҷонибро ба Шумо ва ба мардуми дӯсти тоҷик ба муносибати 28-мин солгарди Истиқлоли Ҷумҳурии Тоҷикистон иброз намоям".

Анҷоми сафари давлатии Раиси Ҷумҳурии Мардумии Чин Си Ҷинпин дар Тоҷикистон - Sputnik Тоҷикистон
Эмомалӣ Раҳмон ва Рустам Эмомалӣ Ҷинпинро ба Чин гусел карданд

Зимнан Си Ҷинпин бо ёдоварӣ аз сафари Раҳмон ба Чин ёдовар шуда, гуфт моҳии апрели соли ҷорӣ Шумо дар Чин дар Дуввумин форуми сатҳи баланд оид ба ҳамкорӣ дар чорчӯбаи "Як камарбанд ва як роҳ" ширкат варзидед. Мову Шумо музокироти самарбахшеро доир намуда, ба мувофиқаҳои васеъмиқёс расидем ва нақшаи нави густариши минбаъдаи муносиботи дуҷониба ва ҳамкориро дар соҳаҳои мухталиф таҳия намудем.

Ситоиши Ҷинпин аз инсондӯстӣ ва хайрхоҳии Раҳмон ва мардуми тоҷи

Ман ба рушди муносибатҳои миёни Чин ва Тоҷикистон аҳаммияти хосса медиҳам ва ният дорам дар якҷоягӣ бо Шумо ҷиҳати бемайлон  бардоштани сатҳи муносибатҳои шарикии стратегии ҳамаҷонибаи Чин ва Тоҷикистон ба зинаҳои боз ҳам баландтар бар нафъи кишварҳо ва мардумони мо саъю талошҳои муштарак ба харҷ диҳам.

Ба Тоҷикистони дӯст шукуфоиву тавоноӣ ва ба мардуми он саодату некӯаҳволӣ орзумандам. изҳор доштаст Си Ҷинпин дар фарҷоми таманниёташ.

Лентаи хабарҳо
0