Жээнбеков аз тарафҳо хост аз доман задан ба ҷанҷол дар марз бо Тоҷикистон худдорӣ кунанд

© Министерство обороны РФ / Гузариш ба медиабонкПрезидент Кыргызстана Сооронбай Жээнбеков
Президент Кыргызстана Сооронбай Жээнбеков - Sputnik Тоҷикистон
Обуна шудан
Раисҷумҳури Қирғизистон Сооронбой Жээнбеков таъкид намудааст, ки аз доман задан ба ҷанҷол дар марз бо Тоҷикистонро худдорӣ кунанд ва миёни мардум корҳои фаҳмондадиҳӣ гузаронанд

ДУШАНБЕ, 17 сен — Sputnik.  Сооронбой Жээнбеков, раисиҷумҳури Қирғизистон бо даъвати ҷаласаи махсус, вазъият дар марзи Тоҷикистону Қирғизистон, ки ахиран ба тирандозии низомиёни ду кишвар анҷом ёфт, баррасӣ кард.

“Сооронбой Жээнбеков, раисиҷумҳури Қирғизистон, имрӯз 17 сентябри соли равон дар бораи ҳаводиси ахир дар марзи Тоҷикистону Қирғизистон ҷаласаи корӣ бо иштироки роҳбари дастгоҳи Президент Досали Эсеналиев, раиси Шӯрои амният Дамир Сагинбаев, вазири умури хориҷа Чингиз Айдарбеков ва роҳбари шуъбаи сиёсати хориҷии дастгоҳи раисҷумҳур Дониёр Сидиқов  анҷом дод”, - таъкид намудааст манбаъ.

Зимни ҷаласа Сооронбой Жээнбеков, таъкид намудааст, ки аз доман задан ба ҷанҷол дар марз бо Тоҷикистонро худдорӣ кунанд ва миёни мардум корҳои фаҳмондадиҳиро пурзур намоянд.

Сироджиддин Мухриддин, архивное фото. - Sputnik Тоҷикистон
Вазирони хориҷаи Тоҷикистону Қирғизистон вазъияти марзро баррасӣ карданд

Роҳбари Қирғизистон ба хонаводаи марзбони қирғизе, ки ба ҳалокат расидааст изҳори ҳамдардӣ кард.

“Раисҷумҳур таъкид намудааст, ки ҳалии масъала бояд дар чаҳорчуби қонунҳои байналмилалӣ ва созишҳои қаблӣ сурат бигирад”, - илова кард раисҷумҳур.

Ёдрас мешавем, ки қаблан мақомоти Тоҷикистон эълон кард, ки дар натиҷаи тирандозӣ дар марз бо Қирғизистон якчанд шаҳрванди кишвар маҷрӯҳ шудааст.

Баҳси марзӣ: вокуниши Тоҷикистон ба Қирғизистон аз сохтмони постгоҳ дар роҳи Исфара-Ворух

Дафтари матбуоти нерӯҳои марзбонии Тоҷикистон бо нашри як баёния шоми душанбе эълон намудааст, ки Қирғизистон бархилофи созишномаҳои қаблан ба имзорасида, санаи 16-уми сентябри соли равон дар ҳудуди майдони варзишии маҳаллаи Баҳори ҷамоати деҳоти Овчи- Қалъачаи ноҳияи Б.Ғафурови вилояти Суғд, сохтмони иншооти номаълумро роҳандозӣ карданд.

Мақомоти Тоҷикистону Қирғизистон дар ҷанҷолу тирандозӣ дар марзи ду кишвар ҳамдигарро мутаҳҳам карданд.

Автомат Калашникова, архивное фото - Sputnik Тоҷикистон
Садои тир дар марз: якчанд шаҳрванди Тоҷикистон маҷрӯҳ, як сарбози қирғиз кушта шуд

Дар ҳамин ҳол, дирӯз мақомти Қирғизистон эълон кард, ки дар натиҷаи тирандозӣ як сарбози ин кишвар аз тири нерӯҳои Тоҷикистон ба ҳалокат расидааст.

Нерӯҳои марзбонии Тоҷикистон зикр намудааст, ки айни замон, намояндагони мақомоти дахлдори ду кишвар дар ҷойи ҳодиса қарор дошта, барои муътадил сохтани вазъият, корҳои фаҳмондадеҳиро дар байни аҳолӣ бурда истодаанд.

Тоҷикистону Қирғизистон ҳудуди 976 километр марзи муштарак доранд, ки наздик ба 50 дарсади и он, ҳанӯз аломатгузорӣ нашудааст.

Пурра таъйин нашудани хатти марз, борҳо ба рухдоди муноқишаҳои марзӣ боис мешавад.

Лентаи хабарҳо
0