18:23 31 майи 2020
Пахши мустақим
  • USD10.27
  • EUR11.42
  • RUB0.14
Сиёсат
Гирифтани линки кӯтоҳ
933 0 0

Эмомалӣ Раҳмон, президенти Тоҷикистон бо Илҳом Алиев, раисҷумҳури Озарбойҷон сӯҳбати телефонӣ анҷом дод

ДУШАНБЕ, 7 май — Sputnik. Бино бар иттилои дафтари матбуоти президент, сарони давлатҳо вазъи кунунии беҳдоштӣ-эпидимиологӣ дар ҷаҳонро баррасӣ намуда, бо ҳамдигар дар бораи вазъияти ду кишвар дар робита ба паҳншавии сирояти коронавируси нав табодули иттилоот намуданд.

"Эмомалӣ Раҳмон ба Президент ва Ҳукумати Озарбойҷон барои кӯмаки башардӯстона ба Тоҷикистон дар шакли лавозимоти тиббӣ, изҳори сипос карданд", - менависад манбаъ.

Зимни суҳбат Сарони давлатҳо инчунин оид ба ҳолат ва дурнамои муносибатҳои Тоҷикистону Озарбойҷон дар соҳаҳои тиҷоративу иқтисодӣ мубодилаи афкор намуда, ҳавасмандӣ ва омодагии худро барои густариш ва тавсеаи ҳамкориҳои иқтисодӣ-тиҷоратӣ байни кишварҳо таъкид карданд.

Сарони давлатҳо барои пешбурди ҳамкориҳо баҳри инкишофи мубодилаи мутақобилаи мол ва ҷиҳати рушди минбаъдаи муносибатҳои ҳамкорӣ ба манфиати ду халқ фаъол гардонидани кори Комиссияи муштараки байниҳукуматӣ оид ба ҳамкориҳои тиҷоратӣ-иқтисодиро зарур шумурданд.

Дар анҷоми суҳбат Президенти Ҷумҳурии Тоҷикистон ба Президент ва ба мардуми Озарбойҷон саломатӣ ва комёбӣ орзу кардааст.

Пештар раисҷумҳури Тоҷикистон бо кишвардори Эрон сӯҳбати телефонӣ анҷом дода буд.

Рӯҳонӣ ба Раҳмон: "бояд ҳамдигарро ёрӣ кунем, то бар вируси муҳоҷим ғалаба кунем"

 

Мавзӯъҳои асосӣ