Верхотуров: Созиши Ғанӣ ва Абдуллоҳ мавқеи тоҷиконро дар Афғонистон заиф хоҳад кард

© Photo / ارگАбдулла Абдулла и Мухаммед Ашраф Гани
Абдулла Абдулла и Мухаммед Ашраф Гани - Sputnik Тоҷикистон
Обуна шудан
Дмитрий Верхотуров, сиёсатшинос, шарқшинос, коршиноси Маркази омӯзиши Афғонистони муосир гуфт, ки созишномаи байни Ғанӣ ва Абдуллоҳ ба мавқеи Тоҷикистон чӣ гуна таъсир мерасонад

ДУШАНБЕ, 19 май — Sputnik. Собиқ раҳбари ҳукумати иҷроияи Афғонистон Абдуллоҳ Абдуллоҳ ва Президент Ашраф Ғанӣ созишномаи тақсими қудратро имзо карданд.

Конец двоевластия: Гани и Абдулла подписали соглашение о разделе власти в Афганистане - YouTube - Sputnik Тоҷикистон
Абдуллоҳ ба қисме аз Ҳукумати Афғонистон соҳиб шуд: имзои созишнома байни ӯ ва Ғанӣ

Шартнома вазифаҳои иҷроияи Абдуллоҳ Абдуллоро дарбар мегирад. Инчунин, собиқ раҳбари ҳукумати иҷроия Шӯрои олии сулҳи Афғонистонро роҳбарӣ мекунад.

"Ҳамеша дар хотир бояд дошт, ки Абдуллоҳ Абдуллоҳ на аз номи худ, балки ӯ ҳамчун як намояндаи қавми бонуфузи тоҷикон дар ҷомеаи афғонистон сухан мекунад. Ин созишнома на танҳо байни Ғанӣ ва Абдуллоҳ ҳамчун сиёсатмадор, балки созишномаи миёни ҷамоаҳо аст",- гуфт Верхотуров ба Sputnik Тоҷикистон.

Ба гуфтаи ӯ, лаҳзаҳое муноқиша рух дод, ки Абдуллоҳ воқеан қудрати худро аз даст дод, аммо акнун онҳо зоҳиран ба мувофиқа расиданд.

"Музокироти Афғонистон ҳамеша мураккаб ва бисёрсатҳа аст. Ҳангоми ба миён омадани муноқиша ҳамеша миёнаравони эътимодноке ҳастанд, ки ҷараёни мубодилаи афкорро ташкил мекунанд",- қайд кард, шарқшинос. 

Ба ақидаи ӯ, Афғонистон паштунитар мешавад, ҳарчанд аз нуқтаи назари сохтори худи Афғонистон, ин чандон хуб нест, зеро мавқеи тоҷикон дар мақомоти давлатӣ эҳтимол заифтар шавад.

Коршинос қайд кард, ки Абдуллоҳ Абдуллоҳ сиёсатмадори хеле ботаҷриба аст ва ӯ танҳо яке аз асосгузорони низоми муосири сиёсии Афғонистон аст ва аз ин рӯ хуб медонад, ки он чӣ гуна ташкил карда шудааст.

"Вай тавонист як хатти музокиротро бунёд кунад ва мақоми олии шоистаро ба даст орад. Мавқеи раиси Шӯрои олии сулҳ салоҳият ва вазофии дақиқро пешбинӣ намекунад, аммо ин вазифаи ифтихорӣ аст",- илова кард Верхотуров.

Ба гуфтаи коршинос, Абдуллоҳ бо гурӯҳҳои мухталиф на танҳо бо пешвоёни воломақоми Толибон, балки бо фармондеҳони саҳроӣ низ мулоқот хоҳад кард.

Лентаи хабарҳо
0