03:23 20 майи 2019
Пахши мустақим
  • USD9.44
  • EUR10.54
  • RUB0.15
Эксперт по Афганистану Андрей Серенко, архивное фото

Коршинос: бастани марз бо Афғонистон марзнишинонро бечора мекунад

© Фото: Facebook / Андрей Серенко
Радио
Гирифтани линки кӯтоҳ
8710

Коршиноси масоили амниятӣ пайомадҳои ташдиди тадобири амниятӣ дар марзи Тоҷикистон ва Афғонистонро тавзеҳ дод

ДУШАНБЕ, 18 дек — Sputnik. Андрей Серенко, коршиноси масоили амниятии Бунгоҳи пажӯҳиши масоили Афғонистон дар Русия, пешбинӣ мекунад, ки дар паи баста шудани бархе аз гузаргоҳ ва пулҳо дар марз миёни Тоҷикистон ва Афғонистон бештари марзнишинони ин ду кишвар, ки бо тиҷорати марзӣ рӯз мегузаронанд, хисорот хоҳанд дид.

Вай мегӯяд, Тоҷикистон метавонад барои муқобила бо таҳаррукоти гурӯҳҳои теруристӣ ва қочоқбарони маводи мухаддир тадобири амниятӣ дар марз бо Афғонистонро ташдид кунад, аммо ин барнома муваққатӣ хоҳад буд.

"Аммо, аз бастани марз пеш аз ҳама марзнишинон, бавижа онҳое, ки дар Афғонистон зиндагӣ доранд, осеб мебинанд. Зеро бисёре аз марзнишинҳои афғонистонӣ хӯроку пӯшоку доруву сӯхтро бештар аз Тоҷикистон мехаранд, чунки роҳашон то наздиктарин бозору доруфурӯшӣ дар қаламрави Афғонистон аз кӯҳҳои осмонбӯсу оврингҳои хатарнок мегузарад ва на ҳар харидоре ба онҳо мерасад", — гуфт Серенко.

"Манзурам суду зиёни дастфурӯшон нест. Он сарзамин худ маконе муносиб барои зисту зиндагӣ нест: онҷо ба душворӣ метавон хӯроку пӯшоку доруву сӯзишворӣ дастрас кард. Аз ин рӯ, баста шудани марз, ҳатто барои муддати кӯтоҳе, мушкилоти марзнишинҳои афғонистониро садчандон мекунад", — ёдоварӣ мекунад Андрей Серенко.

Мавзуъ

Марз бо Афғонистон: онро бояд баст ё набаст?
Путин: Русия аз бесуботӣ дар марзи Афғонистон ва Тоҷикистон нигарон аст
Тоҷикистон маркази омӯзишии Нерӯҳои марзбониро бозсозӣ кард
Кадом қисмати марзи Тоҷикистону Афғонистон баста шуд
Тоҷикистон марз бо Афғонистонро баст
Барчаспҳо:
марзнишинон, марзбандӣ, Андрей Серенко, Афғонистон, Тоҷикистон

Мавзӯъҳои асосӣ