Таҳсил дар Бритониё: ҳамкорӣ миёни донишгоҳҳои Тоҷикистон ва Вестминстери Англия

© Sputnik / Сергей Пятаков / Гузариш ба медиабонкВ лаборатории. Архивное фото
В лаборатории. Архивное фото - Sputnik Тоҷикистон
Обуна шудан
Барномаҳои муштараки миёнидонишгоҳӣ ва ҷудо намудани бурсияҳо барои таҳсили донишҷӯёни тоҷик дар Бритониёи Кабир мавриди баррасӣ қарор гирифт

ДУШАНБЕ, 21 фев — Sputnik. Дирӯз дар Лондон масоили роҳандозии ҳамкорӣ миёни донишгоҳҳои Тоҷикистон ва Бритониёи Кабир баррасӣ шуд, иттилоъ додааст хабаргузории ТоҷикТА.

Вступительные испытания в Таджикском национальном университете - Sputnik Тоҷикистон
Мирбобоев: Тоҷикистон 830 квотаи таҳсил дар хориҷа гирифт

Бино ба иттилои маркази матбуъотии вазорати умури хориҷии Тоҷикистон, Масъуд Халифазода, сафири Тоҷикистон дар Бритониё бо Александр Хюз, муовини мудири ҳамкории ҷаҳонии донишгоҳи Вестминстер ва дигар намояндагони ин муассисаи таҳсилотӣ дидор ва гуфтугӯ анҷом додааст.

 Дар ин мулоқотҳо имконоти тавофуқ бар сари ҳамкории дуҷониба, тасвиб ва иҷрои барномаҳои муштараки миёнидонишгоҳӣ ва ихтисоси бурсияҳо барои таҳсили донишҷӯёни тоҷик дар Бритониёи Кабир мавриди баррасӣ қарор гирифт.

Халифазода ба китобхонаи донишгоҳи Вестминстер китоби Эмомалӣ Раҳмон, раисҷумҳури Тоҷикистонро эъдо кард.

Донишгоҳи Вестминстер соли 1838 ҳамчун донишгоҳи политехникаи Подшоҳии Бритониё таъсис ёфта буд.

Соли 1992 ин донишгоҳ мақоми имрӯзааш ва номи Вестминстерро соҳиб шуд. Ин доншгоҳ 7 шӯъба ва 45 риштаи тахасусӣ дорад.

Лентаи хабарҳо
0