22:57 24 апрели 2019
Пахши мустақим
  • USD9.44
  • EUR10.58
  • RUB0.15
Студенты Политехнического института

Ҷаласаи Шӯрои “Маҳфили ҷавонони дар хориҷи кишвар таҳсилдошта” баргузор мегардад

© Sputnik / Владимир Вяткин
Илм ва фанноварӣ
Гирифтани линки кӯтоҳ
97 0 0

Бо  донишҷӯёни тоҷике, ки  дар хориҷ аз  кишвар таҳсил доранд, онлайн (мустақим) суҳбат намуда, мушкилот ва дастовардҳои  донишҷӯёни тоҷикро дар давлатҳои хориҷӣ баррасӣ менамоянд

 ДУШАНБЕ, 2 апр — Sputnik. Санаи 5 апрели соли равон дар шаҳри Душанбе ҷаласаи Шӯрои “Маҳфили ҷавонони дар хориҷи кишвар таҳсилдошта” баргузор мегардад, иттилоъ додааст агентии “Ховар”.

Манбаъ афзудааст, ки  ҷаласаи Шӯрои мазкур  тариқи онлайн баргузор шуда, дар он аъзои Шӯро аз Вазорати корҳои хориҷӣ, Вазорати меҳнат, муҳоҷират ва шуғли аҳолӣ, Вазорати маориф ва илми Тоҷикистон, Кумитаи кор бо занон ва оилаи Тоҷикистон, маркази робитаҳои байналмилалии Вазорати маориф ва илм иштирок менамоянд. 

Онҳо  бо донишҷӯёни тоҷике, ки  дар хориҷ аз  кишвар таҳсил доранд, онлайн (мустақим) суҳбат намуда, мушкилот ва дастовардҳои  донишҷӯёни тоҷикро дар давлатҳои хориҷӣ баррасӣ менамоянд.

Маҳфили  “Ҷавонони дар хориҷи кишвар таҳсилдошта” аз ҷониби Кумитаи кор бо ҷавонон ва варзиш соли 2014 таъсис ёфтааст.  Ҳоло  маҳфили мазкур дар 15 давлати дунё  намояндагии худро таъсис додааст.

Шумораи аъзои маҳфиле, ки дар хориҷ аз  кишвар таҳсил доранд, беш аз 30 ҳазор нафарро ташкил медиҳад. Онҳо пайваста дар ҳамкорӣ бо сафоратхонаҳо ва намояндагиҳои дипломатии Тоҷикистон дар хориҷи ҷумҳурӣ барномаҳои гуногун доир менамоянд.

Барчаспҳо:
маҳфил, Озмун, донишҷӯ, душанбе, Тоҷикистон

Мавзӯъҳои асосӣ