ДУШАНБЕ, 23 янв — Sputnik. Афзоиши навбатии маош дар Тоҷикистон моҳи сентябр оғоз мешавад, ваъда дод раиси ҷумҳури Тоҷикистон Эмомалӣ Раҳмон зимни ироъаи пайёми худ ба порлумон, хабар медиҳад РИА Новости.
"Маоиши ҳадди ақал 60% — аз 250 сомонии феълӣ то ба 400 сомонӣ афзоиш меёбад (ҳудуди аз 50 то 80 доллар)", — гуфт раиси ҷумҳур.
Ба гуфтаи вай, маоши кормандони давлатӣ, ниҳодҳои интизомӣ ва ниҳодҳои дигари қудратӣ 15% бештар мешавад. Маоши кормандони бахши омӯзишу парвариш ва ҳуқуқи бознишастагӣ 20% боло бурда мешаванд. Маоши кормандони арсаи иҷтимоӣ 25% ва идрорпулӣ 30% афзоиш меёбанд.
Раҳмон зикр кард, ки мизони фақр дар кишвар соли гузашта 3,6% коҳиш ёфта аз 35,6% дар соли 2013 то ба 32% дар соли 2014 поён рафтааст.
"Рушди мизони тавлидоти нохолиси милли дар соли 2014 дар кишвар 6,7% буд ва дар маҷмӯъ 45,6 миллиард сомонӣ (беш аз 9,12 миллиард доллар) буд. Рушди мунназами дороиҳои мардум мушоҳида мешуд, 52 ҳазор ҷойи нави корӣ таъсис шуд", — гуфт раиси ҷумҳур.
