Даъвати Аслов барои ҷонибдории Тоҷикистон аз ECOSOC

© Страница МИД РТ в FacebookБа Сироҷиддин Аслов ҷоизаи “Water Catalyst Award”-ро тақдим карданд
Ба Сироҷиддин Аслов ҷоизаи “Water Catalyst Award”-ро тақдим карданд - Sputnik Тоҷикистон
Обуна шудан
Вазири умури хориҷаи Тоҷикистон аз кишварҳои Америкаи Лотинӣ ва ҳавзаи Қариб даъват кардааст, ки номзадии ҶТ-ро ҷонибдорӣ намоянд.

ДУШАНБЕ, 26 фев — Sputnik. Вазири умури хориҷаи Тоҷикистон. Сироҷиддин Аслов аз кишварҳои Америкаи Лотинӣ ва ҳавзаи Қариб даъват кардааст, ки номзадии Тоҷикистонро дар Шӯрои СММ оид ба масъалаҳои иқтисодӣ ва иҷтимоӣ пуштибонӣ кунанд, менависад сомонаи вазорат.

Вазири умури хориҷаи Тоҷикистон Сироҷиддин Аслов. Акс аз бойгонӣ - Sputnik Тоҷикистон
Аслов дар Ню-Йорк аз рафъи оқибатҳои табиӣ гуфт

Манбаъ мегӯяд, 25-уми феврал дар Ню- Йорк Сироҷиддин Аслов, вазири корҳои хориҷии ҶТ дар ҷаласаи ҳармоҳаи Гуруҳи кишварҳои Америкаи Лотинӣ ва ҳавзаи Қариб таҳти раёсати Намояндаи доимии Уругвай дар СММ ширкат ва суханронӣ кардааст.

Оқои Аслов дар ин ҳамоиш дар бораи саҳми Тоҷикистон дар татбиқи барномаи ҷаҳонии рушди устувор, аз ҷумла дар самтҳои иқтисодӣ, баробарии гендерӣ, мубориза бо маводи мухаддир, рафъи оқибатҳои офатҳои табиӣ, маориф ва амсоли ин суҳбат кардааст.

Ҳамчунин, вазири умури хориҷаи Тоҷикистон омодагии Душанберо барои идомаи ҳамкориҳо бо кишварҳои манфиатдор дар соҳаҳои зикршуда иброз доштааст.

Ҷаноби Аслов дар анҷоми кори нишаст аз кишварҳои Америкаи Лотинӣ ва ҳавзаи Қариб даъват кардааст, ки омзадии Тоҷикистонро дар Шӯрои СММ оид ба масъалаҳои иқтисодӣ ва иҷтимоӣ (ECOSOC) барои солҳои 2017-2019 дар интихоботе, ки 14-уми июни 2016 дар Маҷмаи Умумии СММ баргузор мегардад, дастгирӣ намоянд.

Лентаи хабарҳо
0