ДУШАНБЕ, 28 окт — Sputnik. Вазорати молияи Федератсияи Русия пешниҳод кард, то ба оилаҳои камбизоат кумакпӯлӣ дода шавад, хабар медиҳад РИА Новости бо такя ба "Российскую газету".
Ба гуфти муовини вазири вазорати молия, Татяна Нестеренко дар ҳоли ҳозир беш аз пеш оилаҳое, ки дорои фарзандони то 16 сола ҳастанд, ниёз ба кумакпӯлӣ доранд.
Ва махсусан оилаҳое, ки соҳиби ду ва зиёда фарзанд буда, танҳо яке аз волидон кор мекунад, бояд кумакпӯлӣ гирад, илова кард ӯ.
"Имрӯз вақти он расидааст, ки пардохти кумакпӯлӣ ба оилаҳои камбизоат муҳокима карда шавад, ва барномаи тарзи нави пардохти кумакпӯлӣ роҳандозӣ гардад",-изҳор дошт Нестеренко.
Дар баробари ин сиёсатмадор қайд менамояд, ки қабл аз гузаштан ба тарзи нави пардохти кумакпӯлӣ бояд мафҳуми "зарурат" пурра маълум карда шавад.
Пешниҳоди вазорати молия дар лоиҳаи буҷа барои солҳои 2017-2019 инъикос нагардидааст, илова кард Нестеренко.
