02:58 19 сентябри 2019
Пахши мустақим
  • USD9.69
  • EUR10.70
  • RUB0.15
Празднование Иди Курбон в Душанбе

Иди Қурбон: 8 то 16 ҳазор сомонӣ ҷарима барои забҳи чорво хориҷ аз кушторгоҳ

© Sputnik
Иҷтимоъ
Гирифтани линки кӯтоҳ
198 0 0

Шаҳрдории Душанбе дар остонаи иди Қурбон барои забҳи ҷорво кушторгоҳҳоеро муқаррар карда буд. Акнун барои сарпечӣ аз иҷрои ин муқаррарот ҷарима низ муқаррар кардааст

ДУШАНБЕ, 31 авг — Sputnik. Шаҳрдории Душанбе барои забҳи чорвои қурбонӣ хориҷ аз ин кушторгоҳҳо аз 8 то 16 ҳазор сомонӣ ҷарима муқаррар кардааст.   

Куштори чорво дар бахши маскунии шаҳр акидан мамнуъ шуда ва танҳо дар кушторгоҳҳое муҷоз аст, ки ному нишонашонро шаҳрвандон метавонанд аз раҳбарони маҳаллаҳову ноҳияашон дарёфт кунанд.

Шаҳрдорӣ барои забҳи чорво 93 кушторгоҳ ташкил карда, ки аз он 20 кушторгоҳ дар ноҳияи Исмоил Сомонӣ, 17 то дар ноҳияи Шоҳмансур, 15 то дар ноҳияи Фирдавсӣ ва 41 кушторгоҳ дар ноҳияи Сино ҷой доранд.

Пеш аз ин Рустам Эмомалӣ раҳбарони ноҳияҳо, Маркази назорати давлатии беҳдоштиву эпидемиологӣ ва Раёсати назорати давлатии домпизишкиро муваззаф карда, ки бо ҷалби раисони маҳаллаҳо дар шаҳри Душанбе кушторгоҳҳои муваққатии чорворо ташкил намоянд.

Бино ба иттилоъи дафтари иттилоърасонии шаҳрдорӣ, чорвои қурбонӣ дар кушторгоҳҳои шаҳри Душанбе, аз ҷумла "Комбинати гӯшту консерва" дар хиёбони Фучик, 4, ширкати «Ангара» дар маҳаллаи "Роҳи нав", "Маҷмаъаи байторӣ" дар хиёбони Ҳофизи Шерозӣ ва кушторгоҳи "Ёвар-11" дар ноҳияи Рӯдакӣ забҳу фурӯхта хоҳад шуд.

Ҳамчунин қарор шуда, ки аз 26 август то 5 сентябр назди бозорҳои шаҳрӣ фурӯшгоҳҳои маҳсулоти ниёзи аввалия ва маҳсулоти кишоварзии вилоятҳои Суғду Хатлон ва ноҳияҳои тобеъи ҷумҳурӣ ташкил карда шаванд.

Мавзуъ

Мусулмонони Маскав Собянинро ба иди Қурбон даъват карданд
Рӯзи иди Қурбон Тоҷикистон Рӯзи фарҳангиашро дар Чин баргузор мекунад
Якуми сентябр: Рӯзи дониш, иди Қурбон ё нофармонии шаҳрвандӣ?
Имомон аз волидон даъват карданд, рӯзи иди Қурбон фарзандонро ба мактаб фиристанд
Фазилат ва ҷойгоҳи қурбонӣ
Аз барои иди Қурбон: Дар мактабҳои Маскав соли хониш аз 4-уми сентябр оғоз мешавад
Се рӯзи истироҳати тоҷикистониён дар иди Қурбон
Рӯзи таҷлили "Иди Қурбон" дар Тоҷикистон муайян шуд
Барчаспҳо:
иди Қурбон, кушторгоҳ, забҳ, шаҳрдории Душанбе, Тоҷикистон-Душанбе

Мавзӯъҳои асосӣ