03:01 21 сентябри 2018
Пахши мустақим
  • USD9.42
  • EUR11.09
  • RUB0.14
Ҳуҷра, акс аз бойгонӣ

ВУД: ҷавони 25-солае дар Хуҷанд ба иттиҳоми ташкили фоҳишахона дастгир шуд

© Sputnik Игорь Логвин
Иҷтимоъ
Гирифтани линки кӯтоҳ
232 0 0

Ин сокини Хуҷанд манзили истиқоматиашро ба фоҳишахона табдил дода, барои муносибатҳои маҳрамона ба чанд мард ва зан шароит фароҳам овардааст

ДУШАНБЕ, 13 мар — Sputnik. Вазорати умури дохилаи Тоҷикистон хабар медиҳад, ки як сокини шаҳри Хуҷандро ба иттиҳоми ташкили фоҳишахона дастгир кардааст.

Бино бар иттиолои манбаъ, кормандони милитсия ҳангоми гузаронидани чорабиниҳои оперативӣ-ҷустуҷӯӣ марди 25-солаи сокини шаҳри Хуҷандро бо гумони ташкил ва нигоҳдошти фоҳишахона дастгир намуданд.

Гумонбаршаванда, рӯзи 3-юми марти соли 2018, дар дигар хонаи истиқоматиаш, воқеъ дар маҳаллаи 33-и шаҳри мазкур шаҳрвандон: марди 25-солаи сокини ноҳияи Бобоҷон Ғафуров, зани 28-солаи сокини шаҳри Хуҷанд, марди 20-солаи сокини шаҳри Панҷакент ва зани 25-солаи сокини шаҳри Хуҷандро барои муносибатҳои маҳрамона шароит фароҳам оварда, аз онҳо 200-сомонӣ мукофотпулӣ гирифтааст.

Нисбати далели мазкур парвандаи ҷиноятӣ оғоз гардида, тафтишот идома дорад.

Барчаспҳо:
фоҳишахона, ВУД, ҷавон, Тоҷикистон

Мавзӯъҳои асосӣ