ДУШАНБЕ, 28 июл — Sputnik. Тибқи иттилои дафтари матбуоти Вазорати умури хориҷӣ, 27 июл, шаҳрвандони Тоҷикистон —А.М.Ғ. (с.т. 01.11.2017), М.Я.Д. (с.т. 09.02.2018) ва Ш.А.Х. (с.т. 07.02.2015) тавассути ҳавопаймои "Тоҷик-Эйр" аз Маскав ба Душанбе оварда шуданд.
Манбаъ мегӯяд, то замони сафар ба Ватан шаҳрвандони ноболиғи мазкур дар нигоҳубини Мақомоти васоят ва парастории Русия қарор доштаанд.
Вазорати умури хориҷӣ таъкид намудааст, ки сафорати Тоҷикистон дар Русия барои ҳифзи ҳуқуқу манфиатҳои шаҳрвандони ноболиғи кишвар ва баргардонидани онҳо ба Ватан мунтазам чора меандешад.
