04:09 17 сентябри 2019
Пахши мустақим
  • USD9.69
  • EUR10.70
  • RUB0.15
Старик , архивное фото

"Ними шаб ба манзилам даромада, латтукӯб ва ғоратам кард"

AP Photo/Sergey Ponomarev
Иҷтимоъ
Гирифтани линки кӯтоҳ
631 0 0

Ҷинояткор аз марди солхӯрда бо роҳи зӯроварӣ аз дасташ ҷавоҳироти тиллоӣ ва як адад телефони мобилӣ, ҷамъба маблағи 5000-сомониро тасарруф намуда, аз ҷойи ҳодиса ғайб задааст.

ДУШАНБЕ, 6 апр — Sputnik. Марди солхӯрае дар ноҳияи Рӯдакӣ ба мақомот шикоят кардааст, ки шабона ба манзилаш ӯро латтукӯб ва ғорат карданд.

Бино бар иттилои ВУД, ба ШВКД-1 дар ноҳияи Рӯдакӣ бо ариза марди 66-солаи сокини деҳаи Деҳқонободи ноҳияи Рӯдакӣ муроҷиат намудааст, ки рӯзи 31-уми марти соли 2019, тахминан соати 23:30-дақиқа, шахси номаълум вориди хонаи истиқоматиаш шуда, ӯро латтукӯб намуда, бо роҳи зӯроварӣ аз дасташ ҷавоҳироти тиллоӣ ва як адад телефони мобилӣ, ҷамъ ба маблағи 5000-сомониро тасарруф намуда, аз ҷойи ҳодиса ғайб задааст. 

Ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия марди 32-солаи сокини шаҳри Душанбе ҳамчун гумонбар дар содир намудани ҷинояти ғоратгарӣ дастгир карда шуд.

Аз рӯи ин ҳодиса парвандаи ҷиноятӣ оғоз гардида, тафтишот идома дорад.

Мавзӯъҳои асосӣ