Файзов аз намоишгоҳи шаҳри Хоруғ дидан намуда, роҳи коҳиш додани бекорӣ дар вилоятро гуфт

Обуна шудан
Бо ташаббуси Кумитаи меъморӣ ва сохтмони Тоҷикистон дар маҷмааи варзишии шаҳри Хоруғ намоиши дастовардҳо дар соҳаи меъморӣ ва шаҳрсозӣ, масолеҳи сохтмонии ватанӣ баргузор гардид

ДУШАНБЕ, 21 сен — Sputnik. Дар намоишгоҳ меъморону муҳандисон, роҳбарони корхонаҳои истеҳсолии мамлакат ширкат мекунанд, хабар медиҳад агентии Ховар.

Хорогская гидроэлектростанция, архивное фото - Sputnik Тоҷикистон
Дар Хоруғ намоишгоҳи дастовардҳои соҳаи меъморӣ ва шаҳрсозӣ доир мегардад
Ба иттилои манбаъ, дар чорабинии мазкур  аз аксарияти шаҳру ноҳияҳои мамлакат ҳунармандони инфиродӣ, намояндагони корхонаҳои хурду бузурги саноатӣ, коргоҳҳои кандакорию кулолгарӣ, ресандагӣ, бофандагӣ, гаҷкорӣ, наққошӣ ва амсоли инҳо ширкат мекунанд.

Гуфта мешавад, раиси Вилояти Мухтори Кӯҳистони Бадахшон Ёдгор Файзов намоишгоҳро тамошо карда, зимни суҳбат бо иштирокчиёни он изҳор намуд, ки бе рушди соҳаи саноат коҳиш додани яке аз масъалаҳои муҳими рӯз, яъне бекорӣ амри маҳол аст.

Мудири иҷроияи Донишгоҳи Осиёи Марказӣ дар Хоруғ ба Ёдгор Файзов гузориш дод

Ин ҳамоиш ва намоиши масолеҳи сохтмонии ватанӣ ду рӯз давом мекунад. Ҳадафи он рушди мнбаъдаи соҳаи сохтмон ва меъмории мамалакат, ҷалби сармояи дохиливу хориҷӣ, густариш додани фаъолияти меъморӣ, лоиҳакашӣ, шаҳрсозӣ, мубодилаи таҷриба ва истеҳсоли масолеҳи сохтмонии воридотивазкунанда мебошад.

Лентаи хабарҳо
0