Ихтисоси қариб 4 миллиард барои маошу пардохтҳои иҷтимоӣ

© Sputnik / Стас ЭтвешДеньги в кошельке, архивное фото
Деньги в кошельке, архивное фото - Sputnik Тоҷикистон
Обуна шудан
Вазорати молияи Тоҷикистон мегӯяд барои пардохтҳо ва ҳифзи иҷтимоии аҳолӣ соли равон 3,9 миллиард сомонӣ, муодили 404 миллион доллари амрикоӣ ҷудо шудааст

ДУШАНБЕ, 21 фев — Sputnik. Маблағҳои ҷудогардида барои ҳифзи иҷтимоии аҳолӣ дар қиёс бо соли гузашта 6,4 дарсад ё ба андозаи 403,6 миллион доллар афзоиш ёфтаанд, хабар дод Вазорати молия.

Маҷлиси ҳукуматии ҶТ, акс аз бойгонӣ - Sputnik Тоҷикистон
Фармони Раҳмон барои таъсиси Агентии нави назди президент: 3 моҳ муҳлат ба Ҳукумат

Ба иттилои манбаъ, дар назар аст аз аввали моҳи сентябри соли равон ҳаҷми маоши кормандони буҷавӣ, нафақа ва идрорпулӣ зиёд карда шавад.

Масъалаи болобарии маошу нафақаро раисҷумҳури Тоҷикистон, Эмомалӣ Раҳмон зимни ироаи паёми навбатӣ ба парлумони кишвар ба миён гузошта буд.

Эмомалӣ Раҳмон изҳор дошта буд, ки нафақаи маъюбон 50 фисад ва нафақа аз рӯи синну сол ва нафақаи заминавӣ, инчунин, нафақаҳои меҳнатии шаҳрвандон 15 фоиз зиёд карда шаванд. 

Дар баробари ин, музди меҳнати кормандони мақомоти ҳокимият ва идоракунии давлатӣ, муассисаҳои маориф, илм, фарҳанг, варзиш, тандурустӣ, муассисаҳои соҳаи ҳифзи иҷтимоӣ ва дигар ташкилоту муассисаҳои буҷетӣ 15 дарсад зиёд карда мешавад.

Ҳамчунин идрорпулии донишҷӯён ва дигар намудҳои идрорпулӣ ба андозаи 15 фоиз боло бурда мешавад.

Лентаи хабарҳо
0