Ҷамъияти Ҳилоли Аҳмар бо оилаҳое, ки офат онҳоро бехона гузошт, пул медиҳад

© Официальный сайт председателя Хатлонской областиПредседатель Хатлонской области ознакомился с последствием селей в Хуросоне
Председатель Хатлонской области ознакомился с последствием селей в Хуросоне - Sputnik Тоҷикистон
Обуна шудан
Ҷамъияти Ҳилоли Аҳмари Тоҷикистон илова ба кумакҳои то кунун ба осебдидагони офати табиӣ дар ноҳияи Хуросон расондааш, тасмим гирифт ба 72 оилае, ки хонаҳои худро дар ин ҳодисаи табиӣ пурра аз даст додаанд, ба миқдори 150 франки швейтсарӣ ёрии яквақта расонад

ДУШАНБЕ, 4 июн — Sputnik. Ҷамъияти Ҳилоли Аҳмари Тоҷикистон ба 260 хоҷагии аз офати табиӣ  зарардидаи деҳаҳои Н.Асадулло ва 18-умин анҷумани ҳизби ҷамоати деҳоти С.Айнии ноҳияи Хуросон маводи ғайрихӯрокӣ тақсим намуд, хабар дод котиботи ҳукумати Хатлон.

Пробирки с биоматериалом в лабораторном комплексе - Sputnik Тоҷикистон
Роспотребнадзор гуфт, сохтани ваксинаи ягона барои COVID-19 ғайриимкон аст

Санаи 14-15 майи соли 2020 офати табиӣ ба хонаҳо ва қитъаҳои наздиҳавлигии сокинони як қатор минтақаҳои мамлакат зарар расонид. Аз ин офати табиӣ асосан 338 хоҷагӣ дар ноҳияи Хуросон ва 6 хоҷагӣ дар шаҳри Ваҳдат осеби зиёд диданд.

Бо назардошти вазъ, Ҷамъияти Ҳилоли Аҳмар лоиҳаи Бунёди вижаи вокуниш ба ҳолатҳои фавқулодаи Федератсияи байналмилалии Ҷамъиятҳои Салиби Сурх ва Ҳилоли Аҳмар (DREF)-ро тасдиқ намуд ва маблағҳои ҷудогардида аз ин Бунёд ва қисман аз захираҳои дохилии ҶҲАТ барои дастрас намудани маводи ғайрихӯрокӣ ба 338 оилаи осебдидаи ноҳияи Хуросон ва 6 оилаи осебдидаи шаҳри Ваҳдат пешбинӣ гаштанд.

Учения КЧС РТ - Sputnik Тоҷикистон
КҲФ: дар натиҷаи офати табиӣ 22 нафар шаҳрвандони кишвар ҳалок шудаанд

Ин кумакҳо аз 344 бастаи маводи ғайрихӯрокворӣ, бистар, болишт, кампал, рахти хоб, бел, каланд, сатили пластикӣ, рӯйпӯши пластикӣ, 344 бастаҳои абзори ошхона, аз ҷумла, кафлез, обгардон, косаи калон, косаи хурд, қошуқ, чангак, дӯлча, ҷом ва 344 бастаҳои беҳдоштӣ, аз ҷумла сачоқ, собун, хамираи дандоншӯӣ, чӯткаи дандоншӯӣ, хокаи ҷомашӯӣ, хокаи безараргардонӣ, собуни моеъ, шампун, дезинфектант, маводи беҳдошти шахсии занона, уребча, собуни хоҷагӣ, бастаи селофанӣ, қоғази ташноб ва ғайраҳо иборатанд.

Дар доираи кумакҳои мазкур ба оилаҳое, ки бештар аз ҳама зарар дидаанд ва ё манзилҳои истиқоматиашонро аз даст додаанд, инчунин оилаҳое, ки саробонашон зан, шахсони пиронсол, кӯдакони хурдсол ва оилаҳое, ки бо дастгириҳои дигар ниҳодҳои дахлдор фаро гирифта нашудаанд, кумак расонида мешавад.

2 июни соли 2020 дар марҳилаи аввали тақсимоти кумаки мазкур ба 260 оилаи аз офати табиӣ осебдидаи ноҳияи Хуросон тибқи рӯйхати тасдиқгардидаи Комиссияи дахлдори давлатӣ маводи ғайрихӯрокӣ дастрас карда шуд. Марҳилаи дуюми тақсимот фарогирии боз 78 оилаи ниёзманди ноҳияи мазкурро дар бар мегирад.

Лентаи хабарҳо
0