Врачи - Sputnik Тоҷикистон
Коронавирус дар Русия ва ҷаҳон: охирин хабару гузоришҳо
Созмони ҷаҳонии беҳдошт моҳи марти соли 2020 пандемияи коронавирус эълон кард

Дуои Мирзиёев дар ҳаққи Назарбоев: "дар ин айёми душвор ман бо шумоям"

© Sputnik / Сергей Гунеев / Гузариш ба медиабонкПрезидент Узбекистана Шавкат Мирзиеев
Президент Узбекистана Шавкат Мирзиеев  - Sputnik Тоҷикистон
Обуна шудан
Кишвардори Ӯзбекистон Шавкат Мирзиёев изҳори боварӣ намудаст, ки собиқ раисҷумҳури Қазоқистон ва ҳамзамон нахустин президенти ин кишвар Нурсултон Назарбоев дар зудтарин фурсат бар маризии коронавирус ғолиб меояд

ДУШАНБЕ, 19 июн – Sputnik. Раисҷумҳури Ӯзбекистон Шавкат Мирзиёев ба собиқ кишвардори Қазоқистон Нурсултон Назарбоев, ки алъон мубталои маризии коронавирус шудааст, мактуб ирсол намуд, хабар медиҳад котиботи президенти Ӯзбекистон.

Дар мактуби ирсолкардаи Мирзиёев чунин омадааст:

"Ман аз хабари мубтало шудани шумо ба бемории коронавирус хеле ташвишовар шудам. Мехоҳам бори дигар ба шумо, бародари азиз ва қадрдони ман изҳор мекунам, ки дар ин айёми душвор ман бо шумоям ва ҳамаҷониба дастгириятон мекунам".

Бояд гуфт, ки хабари гирифтор шудани Назарбоев ба маризии сироятии коронавирус дирӯз расонаӣ шуд ва феълан собиқ кишвардори Қазоқистон дар қарантини хонагӣ қарор дорад.

Нурсултан Назарбаев - Sputnik Тоҷикистон
Нурсултон Назарбоев мубталои коронавирус шуд

Роҳбари Ӯзбекистон изҳори итминон кард, ки дар ояндаи наздик Нурсултон Назарбоев бешубҳа бар ин вирус ғолиб меояд.

"Нурсултон Абишевичи гиромӣ, аз Худованди бузург хоҳиш мекунам, ки ба шумо саломатии комил, қувват, умри дароз ва комёбиҳои навро ҳадя кунад", - таманно намудааст Мирзиёев дар мактуби худ.

Нурсултон Назарбоев дар барои шиносоӣ ва мулоқотҳо бо Путин

Дар ҳамин ҳол, рӯзи 18 - уми июн дафтари матбуоти Назарбоев навишта буд, ки вазъи собиқ раисҷумҳур новобаста аз натиҷа мусбии ташхис хуб аст.

"Ҷои нигароние нест", - афзудааст дафтари матбуот.

Таъкид мешавад, ки нахустин раисҷумҳур вазифаашро низ дар худинзивоӣ адо мекунад.

Лентаи хабарҳо
0