Чаро зироати кишти такрорӣ дар ноҳияи Рӯдакӣ хушк шуд? Посухи раис

© Sputnik / Стрингер / Гузариш ба медиабонкВспаханное поле, архивное фото
Вспаханное поле, архивное фото - Sputnik Тоҷикистон, 1920, 20.02.2021
Обуна шудан
Азизулло Исматзода, раиси ноҳияи Рӯдакӣ зимни нишасти матбуотӣ сабаби хушк шудани зироати кишти такрорӣ дар қаламрави ҷамоати Лоҳур ва беоб мондани садҳо гектар заминро шарҳ дод
ДУШАНБЕ, 20 фев — Sputnik. Ба иттилои Исматзода, соли 2020 нисбат ба соли пеш таъмини замини киштшаванда ва наздиҳавлигии сокинон бо оби полезӣ беҳтар гардида бошад ҳам, баъзе мушкилот ҷой доштанд.
Президент Республики Таджикистан Эмомали Рахмон - Sputnik Тоҷикистон, 1920, 26.01.2021
“Ҳама ба ҳоли худ саргардон. Соли вазнин хоҳад буд”: нигарониҳои Раҳмон аз соли 2021
“Бинобар таъмири роҳи байналмилалии Душанбе - Бохтар ва баста шудани оби канали Кӯктош моҳҳои август-сентябр замини деҳоти “Лоҳур”  аз об маҳрум монда, зироати кишти такрорӣ пурра хушк гардид”, - хабар додааст нашрияи “Садои мардум” аз қавли Исматзода.
Ӯ афзудааст, ки инчунин, бо сабаби сари вақт аз шаҳри Ваҳдат тавассути канали Роҳатӣ ҷорӣ нагардидани об, 350 гектар замини корами деҳоти “Гулистон” бе об монд.
Дар ҳамин ҳол ба иттилои раиси ноҳия қисми даромади буҷаи маҳаллӣ низ соли гузашта иҷро нашудааст. Аз ҷумл қисми даромади буҷети маҳаллӣ соли гузашта  92 фоиз иҷро гардида, аз нақшаи пешбинишуда 16 миллиону 340 ҳазор сомонӣ кам арзёбӣ шудааст.
Аммо ҳаҷми маҷмӯи умумии маҳсулот ба 1 миллиарду 171 миллион сомонӣ расидааст, ки  нисбат ба соли 2019-ум 3,8 фоиз афзоиш ёфтаст. Ба иттилои раис, дар маҷмӯи умумии истеҳсоли маҳсулот, ҳиссаи бахши саноат 38,1 фоиз, кишоварзӣ - 60 ва дигар соҳаҳо 1,9 фоизро ташкил додааст.
Лентаи хабарҳо
0