Сабқати қаҳрамонии самбо дар Тоҷикистон анҷом ёфт

© Sputnik / Владимир Федоренко / Гузариш ба медиабонкСамбо. Акс аз бойгонӣ
Самбо. Акс аз бойгонӣ - Sputnik Тоҷикистон
Обуна шудан
Дар пойтахти кишвар сабқати қаҳрамонӣ оид ба гуштии самбо баргузор гардида, барандагони он дар вазнҳои мухталиф муайян шуданд.

ДУШАНБЕ, 11 мар — Sputnik. Дар мусобиқа зиёда аз 130 варзишгар аз шаҳри Душанбе, вилояти Суғд, Хатлон, Вилояти Мухтори Бадахшони Кӯҳӣ ва ноҳияҳои тобеъи марказ ширкат варзиданд.

Хушқадам Хусравов. Акс аз бойгонӣ - Sputnik Тоҷикистон
Варзишгари тоҷик дар Ҷоми олии ҷаҳонии самбо барандаи медали тилло шуд

Рақобати паҳлавонон аз рӯи нӯҳ вазн сурат гирифта, қувваозмоӣ ду рӯз идома кард. Дар рӯзи аввали мусобиқа ғолибони чор вазн маълум шуданд.

Ҳамин тавр, Ҷомӣ Ҳасан дар вазни (52кг), Акмалиддин Каримов (57кг), Хушқадам Хусравов (63кг) ва Мустафо Ҳасан (68кг) қаҳрамонони сабқат эълон шуданд. Рӯзи дуюми мусобиқа бошад ғолибони панҷ вазни боқимондаро муайян сохт.

Қаҳрамонони нави кишвар дар намуди самбо- Ҳамроҳ Раҷабов (74 кг), Зафар Олимшоев (82 кг), Умед Ҳасанбеков (90 кг), Шамшод Абдуллоев (100 кг) ва Набимуҳаммад Хоркашев (+100 кг)  гардиданд.

Ғолибони мусобиқаи умумиҷумҳуриявӣ дар сабқатҳои дигари дохил ва хориҷи кишвар иштирок хоҳанд варзид.

Ғолибони ин сабӣқати ҷумҳуриявӣ барои иштирок дар сабқатҳои Ҷоми ҷаҳон дар Русия ки рӯзҳои 24-27 март баргузор мегардад, инчунин барои ширкат дар мусобиқа барои дарёфти Ҷоми президенти Қазоқистон дар моҳи июл ва ҳамчунин барои ширкат дар чемпионати ҷаҳон моҳи ноябр дар Булғористон тайёр мекунад.

 

Лентаи хабарҳо
0