19:42 16 октябри 2019
Пахши мустақим
  • USD9.70
  • EUR10.71
  • RUB0.15
Бозии Ҳосилот бо Истиқлол

Ҳаводорони асабонии "Ҳосилот" сандалиҳои Варзишгоҳи Душанберо шикастанд

© Фото : сайт ФФТ
Варзиш
Гирифтани линки кӯтоҳ
5613

Ҳосил аз бозии дастаи "Ҳосилот" бо қаҳрамони Лиги футболи Тоҷикистон дастаи "Истиқлол" шикасти ноибқаҳрамони ЛФТ ва тору мори Варзишгоҳи марказии шаҳри Душанбе шуд

ДУШАНБЕ, 12 апр — Sputnik. Ҳаводорони асабонии дастаи "Ҳосилот" пас аз шикасти он аз "Истиқлол" даҳҳо сандалии Варзишгоҳи маркази шаҳри Душанберо шикастанд.

Бозии "Ҳосилот" бо "Истиқлол" 11 апрел бо шикасти дастаи фархорӣ бо ҳисоби бузурги 2:8 ба поён расид.

"Ҳаводорони "Ҳосилот" даҳҳо сандалии Варзишгоҳи марказии Душанберо пас аз торумори шудани дастаи фархорӣ аз дасти "Истиқлол" (2:8) шикастанд", — навиштааст дар сафҳаи фейсбукияш сухангӯи Федеросюни футболи Тоҷикистон Фаридун Солиев.

Вай тасовире аз сандалиҳои шикастаи варзишгоҳ ва чойхӯрии футболдӯстони урупоиро дар канори ҳам гузоштаву навиштааст:

"Аммо ҳаводорони "Боруссия" пас он ки бозии чорякниҳоии Лиги қаҳрамонони Урупоро як рӯз ақиб андохтанд, ҳаводорони "Монако"-ро дар хонаҳои худ сарпаноҳ доданд. Инро мегӯянд фарҳанги ҳаводории футболдӯстон!".

Баргирифта аз шабакаи Facebook
© Фото : Facebook
Баргирифта аз шабакаи Facebook

 

Бархе аз корбарони Фейсбук ҳам ин мавзуъро баррасӣ кардаву рафтори ҳаводорони дастаи фархориро "ифрот аз ҳадди маъқул" хонда ва аз Федерсюни футбол хостаанд "Ҳосилот"-ро муҷозот кунад ва ҳаводоронашро аз ширкат дар ҳама бозиҳо то поёни ин даври қаҳрамонӣ маҳрум кунад.

Барчаспҳо:
футболбозӣ, футбол, Ҳосилот, Истиқлол, Фаридун Солиев, Душанбе, Тоҷикистон

Мавзӯъҳои асосӣ