ДУШАНБЕ, 8 окт — Sputnik. Дар шаҳри Екатеринбурги Русия варзишгари тоҷик Ҷомӣ Ҳасанов дар мусобиқаи бонуфузи байналмилалии “Паланги тиллоӣ – XII” доир ба пауэрлифтинг, ки бахшида ба Рӯзи умумирусиягии нерумандӣ шуда буд, мақоми аввалро ба даст овард.
Ҷомӣ дар дараҷаи вазнии "junior" қувваозмоӣ намуда, бар ҳарифонаш пирӯз шуд.
Ёдовар мешавем, ки дар ин мусобиқа беш аз 8500 варзишгар аз рӯи 50 намуд байни ҳам сабқат карданд.
