Тоҷикистон боз дар финал

© SputnikТоварищеский матч между сборными Таджикистана и Палестины
Товарищеский матч между сборными Таджикистана и Палестины - Sputnik Тоҷикистон
Обуна шудан
Тими мунтахаби Тоҷикистон бо шикаст додани дастаи Филипин ба даври ниҳоии мусобиқаи байналмилалии “Bangabandhu Gold Cup” дар Банғола роҳ ёфт

ДУШАНБЕ, 9 окт — Sputnik.  Тибқи иттилои Кумитаи миллии олимпии Тоҷикистон, имрӯз дар бозии ниманиҳоӣ тими мунтахаби кишвар бо ҳисоби 2:0 бар Филипин ғалаба кард.

Футболбозони навраси Тоҷикистон ҳангоми гирифтани медалҳои нуқраи Ҷоми Осиё - Sputnik Тоҷикистон
Президенту ситораҳои санъат пешвоз мегиранд: истиқболи Ватан аз футболбозони наврас

“Ҳисобро дар дақиқаи 31-уми бозӣ Комрон Турсунов кушод. Дар дақиқаи 90+7 Аҳтам Назаров голи дуюми Тоҷикистонро вориди дарвозаи ҳариф намуд”, - иттилоъ дод манбаъ.

Дар даври ниҳоӣ, рӯзи 12 октябр Тоҷикистон бо ғолиби ҷуфти Фаластин-Банғола, ки фардо маълум мешавад, қувваозмоӣ мекунад.

Ёдовар мешавем, ки дар мусобиқа 6 даста дар гурӯҳ бозӣ карданд. Тоҷикистон дар бозии даври аввали гурӯҳи “А” бар тими миллии Непал (2:0) пирӯз шуда, дар даври дуюм аз тими Фаластин мағлуб гардид (0:2). Фаластин бо 6 хол, Тоҷикистон бо 3 хол ба даври нимфинал баромаданд. Дар гурӯҳи “В” дастаи мизбон – Банғола ва Филиппин ба даври дигар роҳ ёфтанд. Дастаҳои Непал аз гурӯҳи “А” ва Лаос аз гурӯҳи “В”, ки хол нагирифтанд, аз идомаи сабқат маҳрум шуданд.

Лентаи хабарҳо
0