05:16 16 июли 2019
Пахши мустақим
  • USD9.44
  • EUR10.64
  • RUB0.15
Хушқадам Хусравов, варзишгари Тоҷикистон

Паёми ҷаҳонпаҳлавон Хусравов: ӯ нафаронеро ном бурд, ки қаҳрамони ҷаҳонаш карданд (ВИДЕО)

саҳифаи фейсбукии Хушқадам Хусравов
Варзиш
Гирифтани линки кӯтоҳ
136610

Хушқадам Хусравов, қаҳрамони ҷаҳон дар риштаи самбо, ки 11 ноябр бо пирӯзӣ бар Руслан Багдасаряни русиягӣ ин унвонро ба даст овард, як паём ба тоҷикистониёнро нашр намуд

ДУШАНБЕ, 12 ноя — Sputnik. Хусравов дар паёми фейсбукияш бо арзи салом ба мардум ва мухлисонаш гуфт,  аввалан фазлу раҳмати Худо ва дуввум ин дуову самимияти мухлисонаш буд, ки  ба ӯ руҳияи пирӯзӣ дод.

Навори пирӯзии Хусравов дар қувваозмоии ниҳоии қаҳрамонии ҷаҳон - 2018

Хушқадам Хусравов бо арзи сипос ба мардуми Тоҷикистон ду нафареро ном бурд, ки дар роҳи расидан ба унвони Қаҳрамони ҷаҳон солҳо дар канораш будаанд.

“Ин дастоварди имрӯз маҳсулу талоши чандинсолаи падари бузургворам Носири Хусрав ва мураббии азизам Маҳмадшарифи Сулаймон мебошад, ки моро дар ин роҳи расидан ба унвони Қаҳрамони самбои ҷаҳон кумак карданд”, - изҳор дошт қаҳрамони нави ҷаҳон дар риштаи самбо.

Беҳрӯз Хоҷазода, акс аз бойгонӣ
© Фото : Международная федерация самбо (ФИАС)

Ӯ инчунин ба раисиҷумҳур Эмомалӣ Раҳмон ва роҳбарони бахши варзиши кишвар барои ҳамкорӣ ва ёрдам изҳори миннатдорӣ намудааст.

Хусравов дар таърихи Тоҷикистон сеюмин нафарест, ки унвони қаҳрамони ҷаҳон дар риштаи самборо соҳиб шудааст. Қаблан Саидмуъмин Раҳимов соли 1975 ва Беҳрузи Хоҷазода соли 2017 қаҳрамони ҷаҳон дар риштаи самбо шуда буданд.

Дар қаҳрамонии ҷаҳон дар шаҳри Бухарест, инчунин се варзишгари тоҷик медали биринҷӣ ба даст оварданд.  Дар ин мусобиқа Акмалиддин Каримов дар вазни 57 кило,  Хоҷазода Беҳрӯз дар вазни 74 кило аз рӯи самбои варзишӣ ва Сорбон Латифов дар вазни 62 кило аз самбои размӣ ҷои сеюмро ишғол намуданд.

Мавзӯъҳои асосӣ