ДУШАНБЕ, 4 фев — Sputnik. Тибқи иттилои Кумитаи миллии олимпии Тоҷикистон, Ойматова дар вазни 49 кило дар финал аз варзишгари Тайланд Бунянучи Нгамҷамрат мағлуб шуд. Ду ҷои сеюмро варзишгарони Ҳиндустон – Хушӣ Мешрӣ ва Канчӣ Теланг соҳиб шуданд.
Варзишгари дигари тоҷик Алишон Хоҷаназаров дар вазни 63 кило миёни ҷавонон дар аввалин рақобаташ аз намояндаи кишвари мизбон – АМА шикаст хӯрд.
Дар мусобиқа 957 варзишгар аз 36 давлат дар се дараҷаи синну солӣ – наврасон, ҷавонон ва калонсолон ширкат намуданд.
Варзишгарони Тоҷикистон дар мусобиқа мураббӣ Шамсулло Қодиров ҳамроҳӣ кард. Ҳамчунин, доварони дараҷаи байналмилалӣ аз Тоҷикистон Давлатшо Мирзоев ва Вафоназар Аланазаров рақобатҳоро дар ин мусобиқа ҳакамӣ карданд.
