Пешбинии Ҳабиб рост баромад: Конор гуфт, ки бармегардад

© AFP 2023 / John Gurzinski Ирландский боец без правил Конор Макгрегор
Ирландский боец без правил Конор Макгрегор - Sputnik Тоҷикистон
Обуна шудан
Конор Макгрегор, вазишкори муҳорибаҳои омехта, ки чанде пеш гуфта буд, варзишро тарк мекунад, эълом кард, ки бармегардад. Ӯ мухлисонашро барои тамошои ӯ дар майдон даъват кард

ДУШАНБЕ, 4 апр — Sputnik. Конор Макгрегор, варзишкори ирландии ҳангомапараст, ҳамагӣ пас аз 9 рӯзи тарки муҳорибаҳои омехта, эълом кард, ки бармегардад.

Ӯ дар бораи бозгашташ ба ММА дар шабакаҳои иҷтимоӣ хабар додааст.

​Конор гуфтааст, ки аз мухлисонаш ҷудо шудан намехоҳад.

"Тамоми динҳо даъват мекунанд, ки дар зоти худ беҳтарин бошем. Мо як ҷаҳон дорем, ки барои ҳама аст. Дар октагон вомехӯрем", - навиштааст варзишкор.

Конор Макгрегор 14 июли 1988 дар шаҳри Дублини Ирландия таваллуд шудааст. Варзишкор дар вазни нимвазнин ва сабук қаҳрамони UFC шудааст.

Ҳабиб Нурмуҳаммедов, варзишкори Русия, ки доим байни ҳарду ҷанги лафзӣ меравад, пас аз изҳороти Конор гуфта буд, ки ӯ марди ҷиддӣ несту баъди чанде аз гуфта пушаймон, эълон мекунад, ки ба майдон бармегардад.

Лентаи хабарҳо
0