13:06 16 июли 2019
Пахши мустақим
  • USD9.44
  • EUR10.64
  • RUB0.15
Кӯдакон ҳангоми футболбозӣ, акс аз бойгонӣ

Рустами Эмомалӣ дар Рашт майдончаи варзишӣ месозад

© Sputnik / Илья Питалев
Варзиш
Гирифтани линки кӯтоҳ
49 0 0

Рустами Эмомалӣ, шаҳрдори Душанбе ва президенти Федератсияи футболи Тоҷикистон дар ноҳияи Рашт майдончаи муосири варзишӣ бунёд мекунад

ДУШАНБЕ, 21 апр — Sputnik. Майдончаи мазкур соли равон мавриди истифода қарор хоҳад гирифт, хабар додааст “Ховар”.

Ба иттилои манбаъ, ин иқдом бахшида ба Солҳои рушди деҳот, сайёҳӣ ва ҳунарҳои мардумӣ, инчунин бо мақсади рушди соҳаи варзиш, тарғиби тарзи ҳаёти солим ва дастгирии ҷавонони дурдасти деҳот роҳандозӣ мегардад.

 “Майдончаи варзишии мазкур дар доираи лоиҳаи махсуси Шӯрои олимпии Осиё бо тамоми шароити муосир сохта мешавад”,- иттилоъ дод “Ховар” аз қавли Кумитаи ҷавонон ва варзиш.

Кумита зикр кардааст, ки соли равон инчунин дар маркази маъмурии Вилояти Мухтори Кӯҳистони Бадахшон  – шаҳри Хоруғ 8 майдончаи замонавӣ бунёд карда мешаванд.

Ин дастгириҳои Шӯрои олимпии Осиё дар ҳолеянд, ки ахиран Рустами Эмомалӣ, президенти Федератсияи футболи Тоҷикистон ба ҳайати нави Кумитаи иҷроияи Шӯрои олимпии Осиё интихоб шудааст. Дар даври қаблӣ Рустами Эмомалӣ, узви Кумитаи ОСА дар умури муносибатҳои байналмилалӣ буд.

Мавзӯъҳои асосӣ