Эълони ном ва нархи футболбозони Тоҷикистон: Умарбоев - қиматтарин

© © ФФТСборная по футболу Таджикистана, архивное фото
Сборная по футболу Таджикистана, архивное фото - Sputnik Тоҷикистон
Обуна шудан
Пойгоҳи машҳури олмонии “transfermarkt.de” феҳрасти ҷадид дар бораи арзиши футболбозҳои кишварҳои гуногунро нашр кард, ки тими Тоҷикистон низ дар он шомил аст

ДУШАНБЕ, 26 май — Sputnik. Пойгоҳ ба феҳрасти ҷадидаш номи футболбозони зиёди Тоҷикистонро ворид намудааст, аммо нархи на ҳамаи онҳо зикр шудааст.

Ҳамоиши Дӯстӣ - 2019 миёни масъулин ва сокинони фаъоли навоҳии наздисарҳадии Тоҷикистону Қирғизистон - Sputnik Тоҷикистон
Футбол ба ҷои тиру санг: “Дӯстӣ – 2019” бо иштироки Шоҳ Искандар ва фаъолони тоҷику қирғиз

Ба иттилои ин манбаъ, қиматтарин футболбози мунтахаби Тоҷикистон Парвизҷон Умарбоев бо нархи 500 ҳазор евро мебошад, ки феълан дар дастаи “Локомотив”-и Булғористон бозӣ мекунад. Дар зинаи дуюм Манучеҳр Ҷалилов, бозигари бошгоҳи индонезӣ бо нархи 350 ҳазор евро ҷой гирифтааст.

Мақоми сеюмро се бозигари дастаи мунтахаби Тоҷикистон – Искандар Ҷалилов аз “Истиқлол”, Фарҳод Восиев аз бошгоҳи “Тюмен” ва Даврон Эргашев аз тими “Хуҷанд” соҳиб шудаанд, ки нархи ҳамаашон 300 ҳазор евроӣ арзёбӣ шудааст.

Нуриддин Давронов аз “Истиқлол” бо арзиши 225 ҳазор евро дар ҷойи 4 ва Хуршед Бекназаров аз бошгоҳи индонезии "ТИРА-Персикабо" бо нархи 200 ҳазор евро дар зинаи 5 ҷой гирифт.

Полузащитник душанбинского Истиклола Эхсони Панджшанбе был признан лучшим футболистом Таджикистана - Sputnik Тоҷикистон
ФФТ беҳтаринҳои футбол дар соли 2018-ро эълон кард

Инчунин нархи Ҷаҳонгир Алиев аз “Хуҷанд” – 150 ҳазор евро, Умедҷон Шарипов – 100 ҳазор евро, арзиши Зоир Ҷурабоев аз “Истқилол”, Алишер Мирзоев аз “Сперанта”-и Молдова ва Фирӯз Раҳматов аз “Регар-ТАдАЗ” 75 ҳазор евроӣ арзёбӣ шудааст.

Чор бозигари мунтахаб – дарвозабон Рустам Ятимов, нимҳимоятгар Амирбек Ҷурабоев аз “Истиклол”, Ҷаҳонгир Эргашев аз “Хуҷанд” ва Шаҳром Сулаймонов аз “Истиклол” 50 ҳазор евроӣ нархгузорӣ шудаанд.

Дар феҳраст номи футболбозони дигари тими мунтахаб низ зикр гардидааст, аммо нархи онҳо оварда нашудааст.

Дар маҷмуъ “нарх”-и тими мунтахаби Тоҷикистон, ки қаблан 2,4 миллион евро буд, ҳудуди 450 ҳазор евро боло рафта, ба 2 миллиону 850 ҳазор евро баробар гардидаст.

Лентаи хабарҳо
0