Натиҷаи сабқатҳои 25 ва 26 май дар чемпионати Тоҷикистон

Обуна шудан
Кумитаи миллии олимпии Тоҷикистон мегӯяд, 25-26 май марҳилаи дуюми қаҳрамонии Тоҷикистон дар риштаи футбол миёни дастаҳои лигаи олӣ шурӯъ гардид

ДУШАНБЕ, 27 май — Sputnik. Ба иттилои манбаъ рӯзи 25 май ду бозӣ баргузор шуда, барандаи медалҳои биринҷии мавсими гузашта – дастаи “Куктош” дар бозии хонагӣ бар тими “Истаравшан” бо ҳисоби 3:1 ғалаба кард.

Чемпионат Таджикистана между командами Истиклол и Худжанд - Sputnik Тоҷикистон
Футбол: ғолиби марҳилаи якуми Чемпионат миёни дастаҳои лигаи олӣ маълум шуд

“Ҳисобро дар дақиқаи 9-ум бозингари тими меҳмон Отабек Каримов кушод. Баъд аз 11 дақиқа капитани “Куктош” Аҳтам Холбоев ҳисобро баробар кард. 7 дақиқа пеш аз танаффус легионери ганагии мизбонон Мисиам Иносент ҳисобро афзуд. Голи сеюми дастаи ноҳияи Рӯдакиро Муҳиддин Одилов дар дақиқаи 71-ум ба номаш сабт кард”, - иттилоъ дод манбаъ.

Кумита афзуд, дар бозии дигар “Хатлон” дар меҳмонӣ бар тими “Панҷшер” бо ҳисоби 3:1 пирӯз шуд.

Дар ҳайати тими ғолиб Парвиз Охунов ду гол зада, як тӯби дигарро Нуриддин Ҳамроқулов вориди дарвозаи ҳариф намуд. Голи “Панҷшер”-ро низ футболбозони “Хатлон” заданд ва автогол ба номи Алишер Баротов сабт шуд.

Футбол. РФПЛ. Матч Локомотив - Терек - Sputnik Тоҷикистон
Кумаки давлат ва рақобати дохилӣ лозим: Раҳимов дар бораи мушкилоти футбол дар Тоҷикистон

Рӯзи 26 май ду бозии дигари даври ҳаштум доир гардида, “Истиқлол” дар майдони худ бори дигар бар тими “Хуҷанд” бо ҳисоби  2:1 ғалаба кард. Ба иттилои Кумита, дар Варзишгоҳи марказии ҷумҳуриявӣ голҳои дастаи Душанберо Шериддин Бобоев ва Зоир Ҷӯрабоев, голи тими Хуҷандро бошад, Турсуналӣ Рустамов ба ҳадаф расонданд.

Бозӣ миёни дастаҳои “Регар-ТадАЗ” – КМВА “Помир” мусовӣ – 1:1 анҷом ёфт. Ба голи бозингари тими артиш Шодибек Ғаффоров тими Турсунзода тавассути голи Ҳасан Рустамов ҷавоб дод.

Пас аз натиҷагирии 8 давр дар ҷадвали чемпионат мисли пеш “Истиқлол” бо 22 хол садрнишин аст. Дар ҷои дуюм “Куктош” бо 14 хол мавқеъ дорад. “Регар-ТадАЗ” (12 хол) сегонаи аввалро ҷамъбаст мекунад.

Лентаи хабарҳо
0