ДУШАНБЕ, 26 июн — Sputnik. Тибқи иттилои Кумитаи миллии олимпии Тоҷикистон, қарори мазкур дар иҷлосияи 134-уми Кумитаи байналмилалӣ қабул карда шудааст.
“Париж-2024 дуюм мизбони Бозиҳои олимпӣ мебошад, ки имкон дорад, барои ба барномаи бозиҳо ворид кардани якчанд намуди варзиш ба КБО пешниҳод манзур намояд”, -омадааст дар иттилоия.
“Ин чор намуди варзиш, ки аз ҷониби Париж-2024 пешниҳод шудааст, ба баробарии гендерӣ, шаҳрӣ кардани бозиҳо мусоидат мекунад ва ба ҷавонон имкон фароҳам меорад, ки иштирокчии Бозиҳои олимпӣ бошанд”, - иброз дошт президенти КБО Томас Бах.
Манбаъ афзуд, ки мусобиқаи брекданс бори аввал дар Бозиҳои олимпӣ доир хоҳад гашт. Шӯхпаймоӣ, мавҷбозӣ ва скейтбозӣ ба барномаи Бозиҳои олимпии Токио-2020 ворид гардидаанд.
Комиссияи барномаи олимпии КБО таҳлил ва назоратро аз болои ин чор намуди варзиш идома медиҳад.
Аз ҷумла, комиссия ҳамроҳ бо Кумитаи тадорукоти Бозиҳои олимпии Париж-2024 мусобиқаҳои шӯхпаймоӣ, мавҷбозӣ ва скейтбозиро дар Бозиҳои олимпии Токио-2020 таҳлил ва баррасӣ менамоянд. Брекданс ба барномаи Бозиҳои олимпии наврасон-2018 дар Буэнос Айрес дохил буд.
Кумитаи иҷроияи КБО қарори ниҳоиро оид ба барномаи Бозиҳои олимпии Париж-2024, шумораи варзишгарон ва қувваозмоиҳо моҳи декабри соли 2020 қабул мекунад.
